終於都等到睇黃子華啦.....

一個月前就買晒飛, 一直好期待.....但估唔到鍾斯今日竟然病左.....見佢今日好攰又面青青o甘既樣, 好可憐呀....

個show 8點開始, 掛住子華掛得要死既豹6點就捉埋鍾斯去食飯7點3就已經到左伊館門口, 等到7點半就可以入場, 一坐低覺得冷氣好凍, 好彩早有準備帶晒衫, 即刻羅出黎包住隻鍾斯, 免得睇到中途佢頂唔順暈低左到時唔知送佢去醫院先定睇埋子華先好.....

八點一, 息燈啦息燈啦..... 

子華好靚仔o甘出埸(雖然有d脂粉, 但豹心目中佢係好靚仔架)...由o個分鐘開始, 直至十點半, 係原全無冷場, 由頭拍住手笑到落尾...一路笑既時候隻豹唔係淨係掛住子華架, 時不時都有望下身邊隻鍾斯有無暈低架, 見佢一齊係到笑緊真係安樂晒啦....

今次無左97回歸前, 金融風暴哩d大時代背境, 無左人民公敵大大個出氣袋董伯伯, 子華今次不談政治, 而且感覺比以前收左火, 大講打工仔心態, 每個人既世界同睇既野都唔一樣, 首尾呼應請你好好放低, 一樣發人心省....