好耐無update日記, 最近都比較忙, 12月成個月都會好多野攪, 淨係做環保都已經煩鬼死, 只能夠話攪環保, 真係幾唔環保....

數下手指隻豹係公司已經做左3年, 能夠係到留3年仲未走, 只因為哩度簡單既人事(只限自己office), 同事間唔會明爭暗鬥, 夾左o甘耐大家都好易話為, 日子容易過..... 但除左哩樣, 哩間公司, 真係無野值得留戀......

最近又因為一d老問題, 好想走, 問題一直存在, 就係無人肯去正視同解決, 大家都扮唔知扮睇唔到, 到要爆出黎時就失憶, 咩都唔知, 自話自說, 自圓其說....總之, 所有既錯都係最細o個個錯, 即係隻豹既錯....每年重覆一次, 由最初會好唔憤氣好嬲, 到今日只係覺得好笑...

今日一返黎老細就同隻豹講已經中箭啦, 要隻豹即刻出張memo將所有事知會班上大人....左度右度, 哩張memo一出, 就會得罪晒d上大人, 講到尾, 佢地唔係唔知, 只係佢地要選擇性失憶, 希望能置身事外.....

一次又一次, 真係唔想再有下一次......有d野無得改變, 唯有我買你地怕.....過埋個農曆年, 真係要積極啦!!!!