十二點幾係公司發緊呆既時候, 終於都收到電話, 隻豹不斷「係!」「係!」「好!」「無問題!」.....

收線之後, 即刻攪惦封辭職信想即刻比老細, 點知隻死老狗哩個時候走黎......阻鬼住晒......

嘉菲同老細比老狗纏身, o甘岩比隻豹望到潘潘無所事事, 即刻將封信比左佢, 佢一望即刻好凝重o甘唔出聲行左去....

等到差唔多lunch連潘潘都比老狗捉住出左去巡, 廖生佢地黎左請我地飲茶, 於是我地去食lunch先。

到老細佢地後尾黎到時, 嘉菲一坐抵望左隻豹一眼, 隻豹個心已經知潘潘同佢地講左啦。

果然一食完食返到去嘉菲就捉住隻豹傾計.....「咩事?」「人地比幾多你?」......

大家都心裡有數知道係咩一回事, 老細返黎再傾, 本來隻豹想做埋哩個月尾走, 但老細唔放, 最後都肯比我返埋7月3號......

今次終於真係走啦~!