最近隻豹患左懶得行街懶得買野懶得化妝症, 放假都唔係幾想周圍去, 繼上星期日懶得去街係屋企整左個超樣衰唔見得人既咖哩薯仔雞亦比鍾斯食之後, 覺得有d對佢唔住, 於是今日決定再整d(好野?!!)比佢食。

是日菜單有:大蝦沙律, 鮮蝦雜菜炒烏冬, 鹵水雞亦, 鹵水紅腸, 焗芝士薯角, 夏威夷果仁雪糕

兩個人食五餸一甜品, 飽到食飽差d坐都坐唔到........

其實隻豹向來都好少整野比人食, 因為身邊太多煮野食叻既朋友啦, 所以隻豹真係唔多敢獻醜, 除左必要時整比自己食之外, 連屋企人都唔多食過隻豹整既野食, 今次哩d全都係第一次整, 哈, 根本連自己都唔知係咪食得落肚.....

但鍾斯佢好似真係好鍾意食隻豹整既野, 每次隻豹話整野佢食佢就會好開心o甘同隻豹一齊去買野又一齊洗洗切切(雖則佢都係阻鬼住晒多), 又無論隻豹整左d咩鬼野出黎佢都好似覺得係人間極品o甘, 一路食一路點晒頭以表欣賞, 可能哩d係佢d鬼計呃隻豹以後做個煮飯婆, 哈哈....

雖然哩d都係好小好小既事, 但隻豹真係覺得呢, 兩個人相處, 真係唔係樣樣都老馮架, 我唔一定老馮整比你食, 你都唔一定要老馮要欣賞我做既野, 但如果大家都對對方所做既報以多少少既鼓勵同贊賞, 成件事都會開心好多.......