上一篇太傷心, 搞度忍唔住上黎發洩
睇番篇文覺得果時既自己好白痴, 係時候要洗走
無錯, 對住想離開既人真係唔應該挽留
人地話當ex係死左既人, 呢句不能認同更多
所以當初好決絕咁unfollow晒任何有關佢既野都係正確
不過搞度我好那驚係人地story見度佢既出現, 我懷疑佢真係成為我既一個陰影
諗番起我呢半年既心態轉變都幾大下
一開頭爭啲睇唔開, 因為空虛, 因為朋友, 因為網上影響想去玩交友app
好彩我都係堅持住有啲危險(多方面)既呢個想法拒絕左無玩哈哈哈
至少唔應該分手之後即刻搵個水泡, 要玩都過幾年..
然後決定想成為一個現充, 想搵啲野學下
非常好, 年頭去左學整香薰蠟燭仲有陶瓷, 整完真係好有成功感, 好滿足
但亦都好貴, 不過都好有興趣繼續學陶瓷
可惜, 呢個第5波叻仔啊, 將我既熱情又推倒晒啊, 他朝我會再捲土重來!
仲有我參加左狗義工嘿嘿, 養唔度狗, 唯有用第2啲方法接觸
係真係攰死同臭死, 但有得接觸狗真係好開心
如果可以, 真係想再養寵物, 只有寵物先會對自己忠心
之後呢, 第5波+未打針都搞度我又變番宅女
然後沉迷晒係二次元既世界..................................
呢半年睇既漫畫, 等於我呢幾年睇既分量, 仲入埋乙女遊戲坑
少女心指數不斷飆升, 我已經覺得我睇呢啲玩呢啲仲好過我去拍拖算
然後都因為乙女遊戲, 我終於下定決心學日文啦哈哈哈哈
希望可以達成我唔洗靠翻譯都享受度生肉動漫同遊戲
學得成就學埋韓文, 唔係講笑, 宜家韓漫都好吸引ლ(*꒪②꒪*)ლ
為二次元奮抖!!!!!!!!!!!!!!!!!!!!!!!!!!!!!!!!!!!!!!!!!!!!!!
唔經唔覺就半年時間, 真係過得好快, 幾時都話time will heal
宜家單身一個人真係幾enjoy, 唔洗再為一個人在意同煩惱
亦都唔需要諗盡辦法去討好人地, 貶低自己價值
我覺得自己真係比想像中堅強, 以後都會愛自己更多, 盡情做自己
如無意外, 無咩大事紀錄都唔會update, 至少我唔想係呢度再紀錄我傷心既事
|
