哈哈哈哈哈哈哈哈哈哈哈哈哈
半年多既時間後，我終於番度黎再打qooza
我回應番上一年10月3號，我10月4真係會番黎打，證明我好有誠信yoyoyo
不過，呢篇野竟然係2014年既第2篇文，救命，我真係唔會記得我呢半年多既時間做過咩…
首先3月14日係兩周年紀念日，但果日我唔記得做過咩了hahahaha
可能其實無做過咩，應該係忙住溫dse
如果有做過咩，騫仔唔該話我知哈哈哈哈哈
之後4月，dse，唉，其實我真係好俾心機去考了
但有啲科，真係無信心就無信心，所以全部聆聽都死哂
不過出乎意料通識合格同物理咁易hahahaha 德叔平日出咁難真係都係件好事
生物真係拎度3都算好了，數學達出自己想要既成績，非常開心
考完dse，打算搵工，但因為旅行問題，最終打消念頭，因為驚去旅行影響度番工
去旅行好開心，因為第一次同朋友去，雖然近近地台灣，但都好正
有好多難忘回憶，5個女仔拖住gip周圍走，拖度手都痛
每日係度行夜市食野，慳番勁多錢
去遊樂場玩，咁岩雨天，但個天竟然係我地玩果時無落過雨 真係玩得痛快
有悠遊卡果類，但係都會成日搭的士
有日搭地鐵，俾個大學生推銷，無啦啦幫左佢買兩樣野，到呢家我都唔知果樣咩黎
人生第一次放天燈
去九份，真係超級永世難忘，個司機本身恰眼訓，但無啦啦上山就玩飄移，真係笑度癲
跟住個司機不斷介紹30幾歲既中年人俾我，真係what the............
後來去完旅行，搵左好幾份工，面過試，都係最終一份都無得做
一來17歲，二來太遲了
下個暑假，我真係會一早搵，他媽的
之後，得閒就同下騫仔行街拍拖拖
去過書展，去過動漫展，去過海賊王展，去過黃金海岸，去過海洋公園
書展，逼度爆，個個屎忽鬼拖gip去，真係好乞人憎
動物展，都係逼，但有得睇路飛，有得睇其他成員，仲終於見度達哥，真係回本了
海賊王展，真係難忘，分開左去左兩次，第一次趕時間淨係影船同排船，第二次排度上船，同埋其他成員合照:P
黃金海岸，第一次同(男)朋友游水，好正，但係啲石頭刮度腳板底流血，究竟啲細路仔點解可以跑得咁自在？
海洋公園，仲係咁逼，但終於唔係遊花園了，終於玩多左超多機動遊戲呵呵
雖然有時出街成日無啦啦嬲你，但我呢家真係好掛住你
起碼果時嬲你都有得見下你，家下就……
然後，七月尾去左曼谷+芭提雅，到呢家，真係好後悔去左
當初話會有水上樂園，唉！因為新開，所以開放俾本地居民！
當初話會有浮潛+海底漫游，唉！又無人去，又多人病！
唉，結果就去左七日，最後悔明知果時騫仔就黎走，都照去唔陪你，對唔住……
不過真係有好多野食有好多野買既
但我會記得有個按摩師按度我好鬼痛，痛度唔敢再按，但係好睬第日果個好舒服
番度香港，即刻得閒同騫仔出街
我仲好記得果日就黎番屋企果時，以為最後一次有排無得見你果種感覺幾悲傷
真係忍喊忍得好辛苦啊我的媽，不過呢家真係諗開左，無唔開心，淨係掛住你:-(
番學… 唉，同中學好大對比
唔係每堂都對住同一班人，上堂全部英文，啲人就算識左真係搵唔度咩話題
啲老師難搵度嘔，send個email幾日都未覆我，究竟你係咪真係佔中:-(
跟住最大問題，地方真係好那遠同車費好那貴，地鐵個半鐘都10蚊幾程，巴士個半鐘一程16蚊，來回都心痛死
然後食飯成日一個人食，不過如果有新同學係度，一齊食都唔知有咩傾..............
唉，快快完左呢兩年，之後俾我升u好嗎？
我應該算係回顧完喇
好啦，今日生日，願望依然
真係萬事如意，心想事成。最緊要真係呢樣野哈哈哈
身體健康，我希望我愛既所有人同我愛犬都係
跟住同騫仔長長久久，恩恩愛愛，最好以後你係我身邊陪伴我
皮膚白白滑滑正正好靚靚，無哂暗粒同暗瘡
希望呢兩年既辛苦真係換取度個大學學位，我唔想再衰第2次了
最後，香港快快變成民主社會，唔好再有暴力事件，唔好再成日吞聲忍氣
| 
