今朝10點9同阿媽去到維園

等阿爸跑完全馬返來

佢跑到3小時50幾分的成績

佢話比預計慢左少少

見佢跑完連行路都攰

真係何必呢....??

之後去左附近一間餐廳食野

3點左右返屋企,,3點9返到來開始做功課

做到6點幾發覺自己有d燒,,個頭好痛

食左d藥,,一陣要瞓一瞓....

醒返仲要溫Maths Quiz同Account Quiz

今朝10點返學校試solar cooker

我地那個試左兩次

兩次都係升左20度

搞到1點左右走

同成、文、定去對面球場踢一陣波

射下龍、練下走位射波

之後又返返學校個場踢

同埋陳家朗踢,,踢到2點幾走

之後同佢地幾個去糰子店食野

之後又去M記,,陳家朗同博文話食雪糕

佢地鬥用最少啖食一杯新地筒

博文那杯大小小,,但佢只用4啖就食完

陳家朗要5啖先食完

佢地食那時笑到碌地~

之後就返屋企

返到來阿爸比左份報紙我睇

蘋果又整埋d無聊野

之前d人無端端將淫照發放者稱為奇拿

其實死亡筆記裡面的Kira至唔會做呢d野,,都唔需要做

d人咁樣簡直侮辱左奇拿、Kira、阿月

將淫照事件同死亡筆記扯上關係更加係侮辱左死亡筆記!!

依家連L都搞埋,,唉....

p.s 明天阿爸去跑渣打(42K)

      我都要去,,不過係10點9在天后的終點等佢

       功課一樣都未做過,,冇時間做....

虫生日快樂!!!

今日PE堂,,鄺sir失聲

自由活動,,一堂籃球一堂足球

籃球我真係不擅射籃

只懂防守同攔截

足球今日我入左4球

唔知邊個成人打左我的右前鋒位

成日去右邊沉底傳波

搞到我次次都要o係中間接應

個波又o係右邊來,,我惟有用右腳外側掃入去

有兩球都係咁入

之後有一次終於係我沉落右路底線

快速推過後衛,,射破大小龍門入

今日我射得最靚呢球

之後昇好似因為少掂波而唔耐煩

在陳博文o係左路推落的時候一腳摌埋去

好彩博文冇跌

試水火箭的圍觀者即時尖叫

我話昇摌埋去係想威

如果唔係都唔駛等到有人睇波那時先來摌

之後d人唔知係咪睇到昇摌得咁過癮

我又比馮家威摌,,但我就半跌

個波出左底線

有一球角球達梽開,,我在中間接應

佢一腳地波傳埋來,,但太貼龍門

比個龍門出來封位,,我都以為呢個角球攻勢落空了

點知梁志邦痾蛋漏左個球去後面,,剛剛在我腳下

一腳掃埋入網

點解今日射的球多數都係咁執死雞feel ga....

最後4比2完場

放左學同雪、kary、不點去左虫屋企慶祝生日

虫媽真係好勁,,整左好多野食

好好食,,賣相又好~

食完野佢地話打麻將,,虫媽都話比

其實我、kary都唔識打麻將

雪同虫就半桶水

虫媽從旁協助我,,又教我打邊隻留邊隻

食左生平第一次糊

其實阿爸同阿媽都唔贊成我學打麻將

不過我睇左咁多年佢地打麻將我話我唔識都冇人信la

d基本知識我都知唔少既

虫媽話學打可以防止比人呃

佢叫我地學左只可以o係屋企打

唔可出去同人打

我覺得打麻將如果唔玩錢既都可以係一樣幾好的娛樂~

打完之後同虫的弟弟捉象棋

佢都有返兩度,,雖然唔小心比佢食左隻炮

不過我都用雙車將死佢

如果佢地兩兄弟比較我覺得虫弟仲勁過虫哥

p.s 明天10點返學試solar cooker

今日社際足球,,蔡高那邊好似唔係好夠人

全場一個鐘,,上下半場各半個鐘

中場10mins休息

上半場開左一半,,Parker 先入4球

之後比人追返一球

此時我落場踢,,都係打返右前鋒

不過d隊友好似不甚信任我

多數傳返比自己識的人

有一球我從中截到對方開的界外球(用頭鎚)

可能頂得太大力,,自己都追唔返個波

比龍門搶先一步,,單刀失敗

之後有一球唔知邊個大腳傳上來

我在離門12碼左右控定個波

可惜個波在左腳位,,唔就腳

so惟有夾硬射,,好近距離射到個後衛

個波o係佢隻手隔離同我的右邊

即刻起右腳挑個波,,描住龍門右上角

差d笠死龍門,,佢接完都企唔穩....

之後就一直都冇咩作為la

下半場比數5比2那陣我又被換出來

出來冇耐parker就由李安喬射入一球

直至完場一直維持比數,,6比2

parker終於報了上年之仇

今朝9點半去左官遊三人場踢波

不過得5個人

訓練鄭惠成做龍門

佢成靠隻腳唔用手,,咁好易比人通坑渠

so我同杰諗到將佢隻腳用鞋帶紮著

逼佢用手接or撲

之後都算有d進步

我地班際足球的龍門就o係成同梽之間揀一個

踢完返來之後又出KT飲茶(一連四日都係,,慘...)

飲完返來有人打麻將,,我就做埋d功課先

剛剛做到數學差一題

Phy作業差十多題