今朝去左Thomas屋企整project

都算幾快搞掂

臨走那時阿童撩起阿揚的麻將癮

之後我就好無奈咁睇住佢地找腳打麻將....

等左半個鐘終於找齊4個,,1點9左右走

返左屋企再出去KT飲茶

仲有少少功課未做完...

《Ｌ之終章：最後的23天》

4點去APM睇

套戲同死亡筆記的連貫性不大

有d位都幾嚇人,,尤其係d人感染到病毒而死那時

最恐怖那度都係教授比人「等離子燃燒」那時

返學之後一定要問下余副校呢個名詞點解

另外,,套戲都不乏刺激場面

睇完我知道左N(尼亞)的身世

同漫畫裡N成日拿住的機械人玩具的由來

結局都唔錯,,比長江七號更好睇~

睇完套戲我對L的睇法改觀了

睇死亡筆記那時我認為L係一個冇咩人情味的人

但睇完呢套戲我睇到佢的轉變:

佢笑多左、多左流露自己的感情

讓人感到佢係一個人,, 而唔係只會破案的機器

換左backgound music

係純音樂「Light no Engi」

中文繹「月の演技」

今日大部分時間都在家

好多功課.....

今朝一起身就逗利是~

落街食完早餐見到阿媽d朋友又有利是收~

1點幾同伯父一家去淘大睇長江七號

隻七仔好得意~

成套戲唔少位都好好笑

又有感動位

一套好戲~

不過仲要睇下L外傳先決定到用邊套戲做film review

睇完戲去附近吉野家食lunch

之後返屋企,,比梁梓軒、嘉俊玩下三國志11的決戰稱霸

佢地打入面的易京之戰,,目標係攻陷北平

梁梓軒連北平城牆都掂唔到

嘉俊比伏兵從後攻佔南皮,,任務失敗

我都係差少少,,公孫瓚軍比我打到全滅

北平都就攻陷,,但過左時限都係衰左....

夜晚我地全家人上左伯父屋企打邊爐

之後4個人鋤D,,比阿爸、嘉浩圍攻,,最後第三

梁梓軒雖有伯父幫拖但都係挽救唔到之前比人炒兩次

p.s 明天下午去柴灣,,同阿麻的阿媽屋企拜年

今朝食完早餐同阿爸and伯父佢地打羽毛球

比佢地發現左我的弱點.... = ="

之後返來做功課,,做左幾個鐘

做剩Eng bk. report,,film review同G.F.

今日玩左一陣幻想學園,,學校做題材都唔錯ar~

我在入面影左d相都會擺o係呢度:

http://photo.qooza.hk/album.php?user=hjklvbnm&albumid=257551