琴晚死亡筆記大結局,,阿月終於死了.....

為這位新世界的神默哀....

↓本以為自己已贏了N,,胸有成竹的佢

↓到被指證自己是奇拿時,,以往的冷靜在此刻盪然無存

中了幾槍後的阿月,,滿身血跡

連手錶裡的死亡筆記紙屑----最後殺N的希望也失去了

佢雖然挺盡最後一口氣逃離現場,,卻重傷至時日無多

最後被死神流克寫名字入死亡筆記中,,在絕望中死去....

 哀怨的眼神

睇到呢度我幾乎喊左出來

因為那時配上咁淒慘的音樂,,實在令人太傷心了....

最後阿月仲彷彿見到L,,很大的諷刺吧

琴晚差d瞓唔著....

阿月實在死得太唔抵了....

算了,,人終須一死(難道連神也不例外??)

今朝去學校對面,,約左成佢地踢波

去的途中見到老志宏同唐偉楠

原來D班今日要補課,,聽講係補A-Maths

去到學校對面,,見到成同徐坤定

原來個場比人卜左

等齊人之後去官遊個三人場踢

7個人踢3打3,,一個坐出面等

邊隊輸左猜一個出來替佢,,踢3分

個場真係幾細下,,成個場比網圍住

上面都唔例外

由於四面都係牆,,陳博文好識運用

係咁撞牆過人.....

等佢真係習慣左就死

真係在出面踢鬼有牆你撞...

今日好純熟咁同人做到One Two

其實那個場都幾適合比人練

因為佢場細,,逼住你多用短傳

咁同隊友的互動就多了

今日入左的波不計其數

要數最漂亮的都係那球

那球佢地一開波比我偷到個波

由於右邊有人,,so即刻衝去左邊

佢地好似反應唔切咁,,冇咩動作

so第一時間起左腳射埋去,,窄位射入左.....

我第一球用左腳射入的波~

射得超靚,,我諗我用右腳一時間都射唔到呢d波

不過有一次埋門同成硬碰的時候扭到隻腳

即時要退去後場做防守,,等佢休息下

之後踢就唔係好覺痛,,但依家又痛返....

應該過兩日冇事la

踢到1點走,,返到來溫Bio溫到7點

原來Bio都幾多野溫...

p.s 明天溫最討厭的Account...

今年聖誕節都係要留在家中溫書

同上年一樣.....

溫A-Maths溫左好耐,,好似冇咩目標咁....

溫到6點幾同阿爸捉棋

好耐冇同佢捉la,,以前差唔多次次輸比佢

不過今日居然捉兩場贏兩場~

第一場,,不惜士團被拆都抽左佢隻車

之後好似被好多棋攻緊埋來咁

但暫時未造成威脅

好彩我有中炮,,配合沉底車同出左將軍

一個突襲得手,,阿爸冇棋

第二場一開頭我不斷發動搏棋

用炮搏佢隻馬,,用兩隻馬拆佢士象團

之後發覺佢多我好多棋,,立即部署殺棋

到我出埋將軍,,終於部署好

依家佢先發覺我一步內可以殺棋:

佢諗左好耐,,落車唔得(會比我用左邊隻車將軍抽車)

最後佢都係落馬睇我想將軍的車位:

咁樣只係延遲多幾步,,我用左邊隻車將軍,,佢坐上

之後再用與將軍連成一線那隻車去將佢軍

之後佢只可以坐上,,最後我再用左邊隻車將多次,,冇棋

延遲左2步

好精彩的一場棋,,差d贏唔到

如果五步內不能將死佢的話,,我一定冇棋....

明天溫Physic,,+oil~

今日本來諗住溫English

卻赫然發覺English冇範圍

應該冇野溫吧

so在家中睇下書,,聽下歌

得閒找d唔同科的書出來瞄兩瞄

咁就過左一日

雖然今日好似唔係咁充實

但應該對我的溫書進度冇影響

今晚平安夜,,好似特別凍....

發覺自己很喜歡冬天~

如果不是夏天有暑假

我想我最討厭的便是夏天了

非常熱,,汗還令個身很不舒服....

總之,,我想很多人會喜歡有聖誕節的冬天吧~

明天要開始溫書了

雖未至於不眠不休

但一日5、6個鐘就一定走唔甩ga la

不過我深知痛苦過後,,總有成果的

+oil!!!

今日去左KT的中華書局買書

由於就執笠,,so好多書就有折

阿爸買左幾本練習我做

小學的我非常抗拒呢d咁厚又多字的練習

但我依家知道如果用心做/讀呢d書

對成績一定有幫助

另外買左本《死神．地獄變》

係我之前在書展買那本《死神．安魂曲》的延續

溫書溫到悶可以睇下,,呢幾日唔可以打單機or online game la.....