今日派埋最後一科-----Phy

唔太差亦唔高分

60分滿分,,四捨五入有4字頭

英文堂落左English Centre睇Shrek

之前都睇過幾次

睇左兩堂加反思堂

放左學開班會

散會之後諗住去斧山道練跑

點知同阿爸會合左冇耐佢公司打來急call

so自己去練,,去到見到黃世龍

佢話逢星期五那度都比田總(香港田徑總會)卜左

so唯有返屋企

琴日同阿爸去左荃灣買釘鞋

銀色都幾靚~

陸運會就用呢對戰鞋o係800米or三級跳拿獎~

今日放左學同A班踢波

我踢得好似有d激.....

可能有人會諗我咁搏係想贏

一開頭我真係咁諗

但踢踢下諗返阿爸細個講過的一句話

他說:「一個好的前鋒,,要抓緊每一個能入球的機會」

之後我踢得比一開頭更積極

見球就上前截,,不惜用盡氣力都要截

甚至不時回後場防守

真係前中後的打勻

我覺得要做到如此積極才是最稱職的前鋒

李俊傑都有落場踢

以前讀小學同佢都係足球隊

一開頭佢斬個波去右邊

睇準佢係想傳比何sir

即刻飛身返後場用身擋左個波

唔擋的話比何sir拿到,,那球輸梗

不過條腰都比個波省到幾痛....

之後全場都比那個肥仔逼住

上年對B班又係咁

今日比佢逼得仲勁,,幾次比佢撞開

有一次仲比佢撞跌

如果能夠再入d先比佢撞跌就可以12碼

最可惜都係一開頭人地鬆懈的時候

昇有幾球都有機會入

唔係話佢自己入唔到

但我覺得如果佢傳中比我,,入波的機會會大d

可能係因為琴日同佢有d不和

由琴日開始我就一直擔心這會影響我地的前場攻擊力

結果真係,,唉.....

前半段都係只有我傳波比佢,,冇佢傳波比我

另外今次我地仲有個致命傷

對擅長長線斬波的昇、快速衝刺甩開後衛的我

在學校細場踢都比較不利

仲有踢開大場發覺細場個龍門真係好細

只要敵人唔係太近

龍門只要捉到路就可以輕易撲救到

總之在細場輸波的厄運我們是不能擺脫的了

今日放左學有新城娛樂台舉辦的呢個show

有謝文雅、V、Hotcha、啤梨來到我地學校

反思堂馮sir比我地早兩分鐘去擺書

之後早d入禮堂坐

點知比鄺sir見到,,成班即刻走返埋位

之後一打鐘即刻衝去hall

同Thomas、yo、童佢地住到正中間第三行

個位真係唔錯,,隔一行就係表演嘉賓~

佢地唱歌幾好聽,,尤其係Hotcha的《你的味道》

同謝文雅的《給我十個分手的理由》

不過hall的音響還有待改善

原來謝文雅係我地學校的舊生

仲同黃太、張sir佢地握手道謝

張sir今日好受歡迎 = ="

post少少相上來先:

見到我嗎?? = ="

p.s 明天放學就同A班踢友誼賽

      希望表現可以同踢大場一樣la

今日派的Bio又令我再一次失望

以為Bio可以高分少少

雖然都係比其他科好少少

但都係比周圍的人低

總有「墊底」的感覺.....

Chem算好少少

不過都唔係高

呢幾日都有少少down

要盡快擺脫這心情

從來沒我份　犧牲當做例行

我慣了傷心　我不過是個人　都會難堪.....

周柏豪呢首歌真係好岩我呢個時候聽 / 唱

今日派的科目中英數加會計

雖然話冇一科唔合格,,但亦冇一科高分

一科值得自己自豪的科目都冇.....

ACCT:第二題又比佢陰左我

          原來要寫埋個account的完整名稱

          20分冇左.....

          最後成份卷得返五成分數

ENG:Reading同Listening兩份卷

        雖然唔係好低,,但隔離左右冇一個低分過我

        唉......

中文:一開始以為中文係我今日的希望

       但收到卷的一刻,,希望幻滅了.....

       得58.5/100,,完全估唔到自己有個咁o既分數

       最唔明都係單元知識

       我明明同課後練習寫得差唔多

       但課後練習拿甲─,,份卷卻拿唔到高分

今日派卷總給我好像「塾底」的感覺

心情不太好

從今天起,,我決定要將我讀書的努力程度提至最高

每日放學返來都要溫今日教的野

可能好多人一直都有呢個習慣

但咁耐以來從未有一個衝動令我開盡turbo去溫書

就算連那次整到腳想追返功課都唔例外

下次考試不容有失,,唔會輸比理科任何一科!!!