今日放左學有Account Quiz

佢派左一張紙比我地,,單面印刷

上面大大幅表係一題

我覺得呢題完全唔係Account的問題

根本就係一題數學題

同會計知識一d關係都冇

o係個表下面,,有一題細到字型大小都唔知有冇10的句子

叫我地寫Trial balance的用處

題號又唔寫又唔間線比我地寫

一個二個都漏做那題

我真係唔明點解我咁黑仔

我會計唔係讀唔掂,,我自問讀得都唔題

但偏偏遇上佢我就成日唔合格

F.1電腦就係咁

今次仲係連續兩次唔合格,,從來未試過

真係冇野好講.....

痴線架!!!!!!!!

今日放學之後繼續有象棋比賽

第一場嘉倫對黃富子歷

但嘉倫好似有少少失準

輸左比人

另外明星宇對章明傑,明星宇輸

之後第二場嘉倫對章明傑都輸埋.....

佢話計左好多數頭腦不太清晰wor

簡直係辜負左我對佢的期望.....

早知當初就唔比佢回棋,,自己入四強

睇左一陣象棋又同人捉波子棋,,勁耐冇捉過

不過似乎以前同阿媽捉開有進步(阿媽係高手之中的高手黎ga)

贏晒四個人

同Kary、雪一起走

p.s 明天就Account Quiz,,希望唔好太難

但又似乎係人之常情

今日發覺唔記得帶Phy書返來

淨返呢樣功課未做

想做但又做唔到

其實又唔係明天交

應該放心留返明天做吧

但偏偏因為呢件事搞到自己好不安.....

想輕鬆d.....

剛剛睇到個網,,佢將星座分為48個,,一週一個

好似我咁,,就係雙魚一(23/2 - 2/3)

佢同一般講星座的網有d唔同

一般的通常講我地d「雙魚」鍾意幻想,,成日亂諗野

但佢就咁分析:

理解事物的方式： 感受

優點：重視心靈需求、重感官、情感表達直接

缺點：情緒化、沒有責任感、性格具毀滅性

建議：有時候要積極一點。自己去處理日常的事務。保持對自己與他人需求的關心。小心不要讓自己的優越感形成與別人

之間的隔閡。追尋人生的真諦固然是好事，可是卻不能因此而把自己的責任丟在一邊。

性格具毀滅性.....

其實唔係好明佢呢句點解

p.s 練跑練埋明天就停練,,過埋Test Week先

今日去左唱K

同虫、小不點、yo

阿虫點左好多克勤比我唱

之後唱其他人d歌那時話我唱得似克勤

又話我把聲一扯就會似克勤

其實我不嬲都係咁唱歌ga la

想改都唔知點改.....

阿yo唱那首天下無雙(神鵰俠侶片尾曲)

真係超高音,,高到我地三個O晒嘴.....

唱到4點走,,返來做功課

夜晚去左匯景食飯

又見到阿yo,,佢又係食緊飯

p.s 明天要開始溫書

今朝9點幾去秀雅踢波

越踢就越熱,,踢到12點終於頂唔順

成班人一齊走

返來沖完涼落去飲茶

之後上返屋企做功課

做到咁上下同嘉俊捉左幾盤棋

一盤打到我兩馬對佢一馬

最後雙馬將死將軍

另一盤就好快突破的佢中間防線

用重炮將死佢,,之後佢話回棋

佢上返隻將軍上來

但我都在同一步用到馬後炮將死佢

p.s 明天去唱K,,唱完要比心機溫書lu~