今日同嘉俊捉棋

贏左一場,,和左一場

和那場本來應該贏ga

那場到尾聲那時佢得返一士一象一馬

我就有一象一馬一卒

隻卒過左河差唔多到九宮

最後一步推卒諗住加埋馬同將軍殺佢棋

點知睇漏佢隻馬比佢食左隻卒

即時變到冇可能將死佢,,之後即刻殺埋佢一士一象

最後我剩一象一馬,,佢只剩一馬

但已經係一場和局

真可惜,,如果睇到馬位唔死卒的話

慢慢捉都總贏到佢

p.s 其實之前已經比佢回左幾次棋

     真係計的話佢已經死左3次 = ="

琴日有聖誕崇拜同班聯歡

今年o係籃球場崇拜

有話劇、有歌聽,,幾好~

之後班聯歡食野

估唔到我d三文治咁搶手,,一陣就冇晒lu

可能整得少都係原因之一吧

不過阿童整d芝士餅乾真係好味~

之後玩遊戲,,先玩「唔係下話咁鬼易」

掌門人那個game

阿sir好慘,,比人係咁扑....

有一次我出去玩居然要講告白的句子....

其實我覺得好有問題

咁即係逼人向人講「I Love U」之類的野啫

結果d人就係咁講d告白的句子

林敏兒仲講「唔係下話咁鬼易,,我好鍾意你,,梁嘉銘」.....

之後d人就狂呼la = ="

我諗這也是第一次有女仔同我講呢d野.....

玩完呢個game玩「4E之最」

首先係做得最多sit up,,我被推舉出去了

做左45下,,多過其他人十幾下

其實如果唔係有少少抽筋,,應該可以過50下

之後玩奧林匹克都做左150幾下先停la

之後又有最叻吹水比賽,,彭綺雯、阿揚同鄭惠成都好勁

一次過講晒出來,,好似唔駛諗咁

最後係最大力,,其實即係鬥耐力

要人拎住支水,,隻手hold住90度角

我地組出劉鎮昇

先hold 5分鐘,,結果四組都捱過5分鐘

之後就係無限長時間

昇居然第一個冇力 = =

最後係第四組贏左,,最少分那組要接受大懲罰~

有兩個選擇,,一係就食咖喱麵包(可能仲加左少少料)

一係就飲咖喱水加糖加醋

睇見Doris飲到那個樣就知幾「好」飲....

------------------------------------------------------------

今日聖誕暖流,,8點幾返到去

見到阿爸o係到整緊家教會個攤位

校長講完野之後就開始

買左$20代用卷,,食左$17.5

仲有$2.5拿來買音樂學會那個扭鐵線

阿童幫我扭左我個名出來~

在其餘的空閒時間,,都係在其他地方逛逛

同在canteen捉棋

有一場同徐坤定捉,,捉左成半個鐘

一直殺唔盡佢d棋,,差一炮一卒

最後唯有用一兵一馬置他於死地

暖流完左之後同一班人去秀雅道踢波

有一次我地搏到十二碼架

不過因為鄧偉杰隨意的一腳撻Q而失去左呢個好機會

有一球梽o係右路衝到落底線出波比我

我o係中間,,由於太近而且個波o係大腿位置

so好難食住個波射,,唯有夾硬起小腿射向左邊

個龍門剛剛撲到,,落返o係我附近,,即係加一腳射返右邊入左

仲有一球人地角球有失誤,,比我偷到個波

之後衝上去,,陳博文緊隨其後

可能帶得太快,,個波有d離腳

陳嘉偉又衝緊上來剷我,,唯有硬碰硬

兩隻腳一相遇,,兩個跌低晒,,但個波o係我右邊停左

陳博文即刻上來拿到個波再向前帶

由於後防比我勉強撕開左,,so佢一射遠柱就入

入埋呢球剛剛4比4,,我同鄧偉杰因為要打羽毛球的關係走左

陳博文都走埋

唔知最後我地贏唔贏到呢??

3點幾去到藍田打羽毛球

打到5點幾返屋企

沖完涼再同阿媽出藍田食野

p.s 明天開始要做功課同溫書la....

今日個Account Quiz....

死晒.....

有個掉轉左寫

又冇寫uncredited cheque

blance as per cash book又寫錯

最後個數同答案個數差成兩倍幾...

lunch返來收左張功留

成兩年冇收過黃太居然彈一張比我....

Eng堂即刻去同佢講我有做

只不過唔係做o係單行紙

之後佢叫我明天比返佢,,算佢有良心...

MATH:阿sir居然要我地明天交功課

          恨心....

放左學有中文聆聽統測

最後那part講得好快

mark note都差d mark唔切

最慘係最後寫唔切,,無端端話要停....

一陣仲要整三文治for明天大食會

明天Quiz Bank Rec.

格式本身唔難記,,做法大致都算易

但難度所在是要了解句statement點解

再決定應該點入Cash Book同Bank Rec.

d重要的term仲未背熟,,今晚一定要背熟

如果唔係明天一定做到一頭霧水....

CHEM:今日好留心聽書,,很多東西都能弄明白

          希望在Chem lap.都可以咁

lunch食完野去買紙整Christmas broad

RDG:傾Phy Project...

Math:好多式ar....

         好彩阿sir那個記的方法都算合用

今朝頒獎,,個牌都幾靚~

中文:要作文....

       題目都幾難作,,落堂過多一分鐘先作完

Math:Quiz居然冇滿分,,都怪我寫漏好多解釋

         係咁比人扣pp

         明天個quiz要再努力d~

放左學有Phy quiz

記左條式,,應付自如

之後去斧山練跑

陸運會丙組那個肥仔想挑我地三個助教機

即係公然挑戰我地啫

so餅乾、陳家朗、我同佢玩到盡

佢體能唔夠,,當然唔係我地對手

6個300米我地三個全部贏晒佢

最後那個800米佢仲想同我扯

特登比佢貼到我先,,之後一口氣拋甩佢

得佢沮喪下,,睇佢仲敢唔敢挑戰助教~