今日放學4點3就去到

真係好多人,,個個都好似好勁咁....

之前阿yo話我一係第一個唱,,一係最尾唱

揀左第一個唱

冇走音,,感情都ok

唱左唔夠一半就比人叮,,之後個個都係唱好少就比人叮

我唱完之後那幾個唱得好好

令我以為之後仲有咁多人,,一定唔駛入決賽

點知之後d人越唱越唔得

寵物小精靈都出埋 = ="

最後聽晒所有人唱之後

估計自己入決賽的機會係50%左右

明天朝返去睇結果~

今日A-Maths Quiz一敗塗地....

2堂Chem同1堂Eng都唔駛上

放左學之後4點9去左110室

同陳博文合唱《仰慕者》

我甩左一兩個字,,好彩唔係咁易察覺

不過陳博文似乎失左水準

唱完之後不斷話自己唱得唔好,,連累左我

我已經講左廿幾次唔緊要

但佢仲係好內疚= ="

仲係咁叫我參加明天獨唱

話如果我入到決賽佢個心會好過d wor

為左令佢唔好內疚到跳樓,,唯有參加....

阿yo話依家報應該冇問題

選左一首《合久必婚》明天唱

呢首都算一首高音的歌

不過明天成40個對手,,應該冇咁容易入決賽

而且雖然話首歌的音高我還應付得到

但最後兩句我仲未完全handle得到

so明天咪當玩下囉~

入唔到唔失望,,入到當Bonus

有d題目好難,,要明晒句野講咩先易做到

有時明句野都未必知點做.....

不過經過呢幾日係咁做都叫熟左d

真不想考試再栽在Account手中

今朝9點就返到學校門口

拍左一場,,之後上左虫屋企

拍左兩場左右,,之後部機發覺冇電

唯有自己返屋企拿火牛再去虫屋企

一路差電一路拍

期間不點上左來

拍到5點左右,,落街食埋下午茶之後走

返到來做左陣Maths

此外都冇點做過野

明天一定要清盡所有星期一要交的功課

p.s 入唔到戲,,慘.....

今年又係我地班最遲上車,,宿命嗎??

o係車上面d人o係咁叫馮sir唱歌

阿yo、陳雯慧、孫紫婷出去唱完之後

馮sir唱左少少「友共情」

之後我同陳博文又被推出去唱

班人又叫李sir唱歌

點知佢唱「安信兄弟」,,真係好好笑牙~~

唱得又好又似又七情上面

李sir你係得o既~

一個鐘車程去到

那度好多個爐,,起碼廿個

馮sir好慘,,比我地叫來叫去幫手透爐、燒野食

發現鄧偉杰、鄭惠成佢地那組d野食好得意

又有蝦又有蟹,,最有創意都係打個蛋漿

然後放塊麵包落去,,之後拿去燒,,好一塊蛋治~

BBQ飽左之後同陳博文、徐坤定、孫紫婷去左沙灘玩

徐坤定推左陳博文同孫紫婷落水

只係濕腳的少部分,,好彩我唔行近海邊

如果唔係都難逃一劫

之後索性除埋鞋玩

同明星宇佢地踢左一陣沙灘足球

之後我地自己玩數字球

好慘要o係沙灘做掌上壓.....

玩到差唔多夠鐘就返BBQ那度

執晒d野之後返沙灘影班相

返到學校之後見到d人o係度踢波

腳痕落去踢,,馮sir都一齊

馮sir、成、杰、陳博文同我五個一起同A班踢

A班龍門一個失誤比我偷到個波射入

之後同伍頌研、劉錦聰佢地(or佢地班)踢

佢地傳波的路線同走位相比起A班好正常

so有幾球都在佢地傳波時截到

有一次比我中途截到劉錦傳比研仔個波,,即刻打快攻

單刀對住龍門居然射中橫眉

皆因快速帶波令個波不太貼地,,一射之下就射高了....

我地後防算打得好(馮sir勁~)

最後和波收場

之後同梽、杰、成、倫、輝、國、威佢地去學校附近打羽毛球

由於那度冇網,,冇得用貼網開波屈機

同梽、杰打得勢均力敵

打左一個鐘左右走

返到來做Maths,,真係好多功課!!!