今日又凍左,,帶左冷衫返去著

BIO:Thomas用暴力先做到個實驗= ="

中文&ENG:冇咩特別

CHEM:好精神的一堂,,d野聽得好明白

lunch之後返來溫A-MATH

RDG:Quiz A-Math 1.1-1.4

        都幾難下,,不過又唔係難到做唔到那種

        最唔抵係唔記得左α cube+β cube點計

MATH:Absolute value真係好易,,不過有時都幾煩....

          發現左一樣野│0│的英文

          讀就讀Absolute zero,,但Absolute zero係「絕對零度」.....

放左學去左107室,,有象棋比賽

第一round我對梅志興

以前F.1都同佢捉過

琴晚上網睇的爭奪河界戰術果然有效

但贏得都幾險的....

佢用綠棋我用紅棋:

佢諗緊呢步點行的時候我簡直標冷汗

我差一步就可以用車、炮同兵將死佢,,但那時到佢行

如果佢用車打橫食我隻士,,我隻帥唔食得佢隻車

因為有隻馬睇住,,用士食佢隻車又唔得,,食左的話佢隻炮即刻將軍

到時我隻帥惟有坐左一格,,之後佢狂將我軍我一定冇棋

但出乎意料之外,,佢向前食我隻帥右邊隻士

咁我就可以用帥上面隻士打斜食佢隻車

那時佢行完都勁後悔自己行錯呢一步

跟著佢o係一步之內都將唔到我軍

所以我就用車沉底將佢軍,,再用兵食士殺佢棋

第二場A班d人話要抽d棋,,邊對抽到一對的棋就對戰

點知抽中我同嘉倫捉.....

我立定決心要輸比佢,,比佢上四強,,因為嘉倫始終比我強

但偏偏呢場棋嘉倫行錯一步,,比我贏到佢

我用紅棋佢用綠棋:

佢行錯那步就係用中間隻馬落來將我軍

以為可以一將了結我

點知佢睇漏左,,佢落馬將軍

我就可以即時用炮將死佢

佢行左之後先知,,我偷偷地比佢回棋

因為我知我上到決賽應該贏唔到黃富子歷那d勁人,,但嘉倫有機會

之後我有幾次都佔到上風,,但都冇發動攻勢

o係呢個情況下,,嘉倫追返上來贏返我

我輸左之後四強就係:

陳嘉倫、黃富子歷、章明傑同一個唔記得左

希望嘉倫o係第日的準決賽同決賽都贏到~

p.s 明天09:30去秀雅練波

之前我話九成上機會唔合格那份Math Quiz

居然合格多一分

V. surprise~

MATH&PHY:冇咩特別

ACC:今堂教d野有難度

        需要時間消化一下.....

        另外上次份Quiz居然意外地fail

        真係勢估唔到寫錯一個英文字

        下面全部玩完,,比佢扣左7成分數

        真係冇野好講.....

RDG:Phy Quiz,,難難地

       對自己的答案冇咩信心

ENG:黃太都冇返,,做數

CHI:拿漏左中文書,,罰抄

放左學同倫、成捉棋

第一場同成捉到難分難解,,不過睇漏一步

比人突擊成功,,即刻冇棋

第二場同倫捉

開棋開得唔好,,守多於攻

比同成捉那場快少少輸

返屋企的途中見到Yo同彭俊興(小學同學)

好耐冇見la,,交換左電話

話聖誕節約出來玩wo~

p.s 冇晒原子筆 = ="

PHY:悶悶地

PE:一開頭同我地練三級跳
     創左全班9.7米最高紀錄
     全靠衝力,,今日衝左好多次....
     決定陸運會報埋呢項
     阿sir話三級跳比較冷門
     我呢個成績一定有獎拿
     係睇下拿唔拿到冠軍的啫
     之後比我地自己練自己想報的項目
     周圍玩下,,又跨下欄又擲下鐵餅

ENG:黃太冇返,,做左兩堂MATH

今日低班週會,,處理少少班務
我地班參加左象棋比賽,,已經決定左邊幾個
鄭惠成、梁志邦同我,,昇昇同嘉倫做後備
至於A班挑我地足球
由於阿sir都落場,,so個個都贊成踢
但阿sir落埋場,,真係贏梗咩.....
處理完班務,,阿sir叫我地舒發下開學以來對不同科目的感受
數學功課多的問題,,今日阿sir已經手下留情左好多la
至於吳太的教學方法,,阿sir都話冇辦法....

MATH:之後Eng堂做左EX.3C的一半
          剛剛做完阿sir叫做那幾題~

中文:冇咩特別

放左學去練跑,,咳左個星期之後第一次練返
唔係退步得太多,,好彩
不過隻腳真係好攰
本來今日練三級跳已經衝左好多次
今日仲要練速度,,練到得返半條人命....

琴晚清左大部分功課

剩雙週一寫同A-Math

找報紙找左兩日,,終於找到個好題材

毒品易到手,,八歲也濫藥

超好寫的一個題材

之後2-3個鐘,,一直睇A-Math書的例子

同阿sir做的例子,,再自己做

發覺成效大好多

平時可能功課壓力大,,溫極都入唔到腦

琴日輕鬆左一日之後今日溫好左好多

星期4的Quiz應該冇問題吧~

做完之後打機~~

將墨香以前那個帳跑入面個人d野

(C班d人一定知那個人個名....)

轉晒去一個比較新的帳號那個人度

今次玩刀,,應該比上次玩槍的更高攻擊力

5點同阿媽鋤2,,遇上高手當然係慘敗收場....

其實都唔係輸好多啫~

鋤完出藍田行街食飯

o係三聯見到阿虫那本「洛杉磯BB連環殺人事件」

$88冇買,,之前都問阿虫借過來睇

上網又找到全文,,無謂o徒錢

本來想買「四C班生的愛情詛咒」,,鬼故一本

不過呢排咁忙應該唔會有時間睇,,so都係冇買

p.s 明天要練返跑

今日本來去唱K,,但太多人唔得閒

so取消左,,搞到今日冇咩野做

本來諗住溫書做功課

點知阿爸叫埋我返學校

幫家長教師會搞那個小食興趣班影相

so返左去,,見到周健誠(Zero)

影左好多相

佢地整千層糕,,我都整左一個

都幾好味la~好有口感

返到來發覺嘉俊來左

佢來左我根本唔駛溫書做功課.....

剛剛食完飯返來

依家做功課做到零時10分都差唔多la

明天再做過,,好彩明天冇特別野做姐

p.s 呢兩日一定要KO A-Math!!!