頭先鍾榮在飄流掟左500幾個生果過來

好多謝佢,,咁我就唔駛愁冇「藥」補血la

不過只係生果補得唔夠多

so要將佢轉為果汁

用鍊金術合成就可以做到

用左多倘半個鐘2個2個咁合晒全部生果

依家隻眼打唔開咁滯

因為這是高度集中力工作 = =

so.....

唔寫la

MATH:今日教到Log

          開始有中四數學的味道了

          不過馮sir 真係教得唔錯

          講解容易令人明白

          教學速度剛剛好(其實可以快d)

PHY:賣左本PHY書係我一大錯誤.....

       搞到好多野都唔記得晒

班主任堂:又係上MATH

             在堂上做埋個5B

放左學留o係班房開班會

馮sir來左睇我地開會

開左個半鐘左右,,2點半走

返到來做左一陣Chem

非常痛苦,,唔明天佢講咩

後悔自己忘記暑假那日補堂....

睇本書之後明左少少,,做到一兩題

但只係一兩題,,其他仲係一頭霧水

明天返學要求救....

p.s 原來鍾榮o係飄流幻境已經好勁

      125lv,,談何容易.....

今日上四堂

PHY:講Sound

       有史以來覺得上得最快的一堂PHY

PE:討厭.....

     又落雨,,地下濕晒

     o係canteen坐左一堂多d

     之後上電腦室睇雷霆救兵

     幾血腥下....

班主任堂又係搞班務

派左一大堆野

主席介紹左各個班會職員

之後落左副校長室拿紙上來整壁報

整剩數塊broad,,遲d搞掂埋佢

頭先玩返飄流

發覺唔記得左之前那個帳號

憑著記憶同直覺一口氣打晒個帳

錯左一次之後就中,,好彩~

即刻抄低返佢

飄流入面仲多左好多野~

今朝7點9左右就返到去

周圍參觀下間學校

canteen換左另一個供應商la

d野好似幾好味~~

不過今日唔食,,睇下d人食完有咩反應先~

之後等多d人返來之後

就由一樓掃到上3樓

行遍所有F.4班房

見返豬tim、志宏大佬、樹哥、牛楠佢地

好耐冇見~

仲有好多人都好耐冇見

行完發覺以前C班d人分散晒在A-D班度

仲係分得好平均

依家我差唔多班班都識7個人以上

今年馮sir馮嘉偉做我地班主任,,幾OK架~

佢上年帶乒乓球隊o既,,幾玩得架

不過聽聞今年會轉何sir帶乒乓球隊

9點左右開學禮

校長話以後每日都要在放學後上20分鐘反思課.....

之前在黃姑度收d料果然真

今年話換的新PE衫我已經見過

非常漂亮,,比起我地舊那件差幾十倍

建議大家買左佢la~

之後班主任堂處理班務

講左好多我地來年數學科的安排

每個Day6閱讀堂都要Quiz數學

之後又選班長,,鄧偉杰同戴華娟做

選完班長阿sir突然叫我出去話我係閱讀大使= =

仲叫我問人買唔買報紙,,之後交張野比圖書館

O晒嘴......

選完班長就選班會

阿叢做左班會主席

我就諗住同佢拍住上,,做副主席

個個講左兩句宣傳就開始選,,35票當選

以後有責任la....

放左學我地好快咁揀左幾個人做班會職員

之後就同阿虫去大排檔食lunch

食完上左阿虫屋企,,佢話暑期作業有d數唔識做

3點走,,返一返來又去斧山練跑

今日又係分50、75、100、150米跑400米

每次都要衝盡

跑完即出乳酸,,個肚好痛....

跑完呢d仲要跑3K

頭先同阿虫傾過,,已經大概分配好邊個做咩職位

仲有一個新加職位

各位4E的同學仔應該明天就會知ga la~

琴晚睇完優秀選就瞓

瞓到差唔多12點先瞓得著

今朝仲要5點起身....

搭MTR的第一班車

但頭班車好似遲左3分鐘左右開

so去到黃大仙黃姑就call我話:

「你咁甩拖架,,成村人到晒la~」

真係樣衰= = 我都唔想ga....

去到搬左幾箱水同若干桶水之後又搬鐵馬

之後陳家朗、Kai邦同我去左5K turning位

負責抄低經過的參賽者的號碼

d人未到之前Kai邦想o係那度施肥

比隻蜜蜂嚇鬼死佢= ="

之後d人一窩蜂咁來

我係咁嗌號碼,,陳家朗就係咁寫

睇人都睇到眼花,,認到阿爸都算係咁lu

到冇咩人那時我就做寫那個~

等到最後一個肥仔都到那時我地就行去水站等車接

返到終點黃姑話在那$100度扣$25做田徑隊年費....

即係我地得返$75收

黃姑一定係早有預謀o既!!

之後一班人搭車去西貢

黃姑搭車唔知去邊

其他人話去鑽石山食野

我同阿爸就去附近食車仔麵

返到來睇返琴晚的死亡筆記

之後開電腦收到消息

原來兩本書同兩部film的summary

係分Elite class同other既.....

之後我睇返我隨意揀那幾本

全部唔中= =

救命!!!!!!

結果用左接近3個鐘做返.....

真係太大意.....

p.s 咁快又返學lu,,希望用英文讀唔會有太大問題la~