今日成日都虧虧地咁 = ="

琴晚阿爺返左來

我搬左出廳瞓

今朝起身發覺天旋地轉,,個頭勁暈

原來一大把風扇開到最勁吹住我....

吹左成晚,,唔暈就奇lu

塗了白花油仲係咁暈

so打電話比林煒權推左佢地唔去沙田跑步

暈完之後開始頭痛

食完早餐上來食左粒必理痛

之後再瞓多陣

12點起身已經好返好多

不過仲係頭重重咁.....

下午同阿爸阿媽出荃灣

阿爸有個比賽o係城門谷引水道跑

去到那到餵蚊,,又熱wo

仲慘過頭痛.....

不過比我見到好多隻monkey~~

超得意~~

不過親眼目睹佢地搶袋的經過....

好彩那個人冇比佢地搶到

之後又影左幾幅相

 大約7點走

o係荃灣食埋野先搭車返來

明天田徑隊第一次練習

今個暑假d練習都會由我地幾個見習助教帶隊

不過明天唔係我

我帶星期五~

星期五通常去d遠d的地方練

八月轉帶星期一,,o係斧山道練

聽講今日係入夏以來最熱的一日

熱死了.....

今朝食完早餐返來打真少

升到38lv,,學埋地凍咒七重

同到人去瓦岡山打民間起義兵(40lv)

由於今日都有雙經

一場有1.3% exp同200%左右武學exp

打到中午出牛頭角飲茶

之後去德福睇兵馬俑

  來張大頭~~

個秦字好有氣勢~~

                                                                                                                                                            我阿爺↑

之後去Mega Box行左陣

d冷氣好勁~

6點幾返到來再打左陣機

夜晚食完飯返來打日記

p.s 明天去沙田跑步

今次換的係純音樂

唔知點形容呢首歌好

不過我覺得佢好適合

o係阿月成功創造新世界之後播

今朝食完早餐返返來打機

打到5點幾做一陣中文暑期作業

比上年難d,,唔係好直接咁問野....

做左一個幾鐘打日記

p.s camp的相黃姑仲未post上網

      so遲d先post上來la~(非常精彩= =")

琴日去到camp之後o係飯堂聽人講野

之後入營舍分房分床

我同劉鴻濠、施旭川、黃世龍、徐坤定、

鄧建玲、黃姑佢地一間房

分完房就去玩

同一班人去打羽毛波

贏左個前羽毛球隊~~

之後又去打乒乓球

咁耐冇打生疏左唔少

唔夠林煒權打.....

5點幾全部人去camp出面跑汀九路

我跟黃姑佢地跑左唔係好多

跑左2K幾就掉頭返來

返來沖完涼就去BBQ

夜晚BBQ真係好正~

就o係我燒緊野食的時候

陳家朗走過來細細聲同我講左d野

話佢地一班人(包括伍頌研、梁子康佢地)

唔係好妥那個F.1仔

理由係佢講野好串

又o係BBQ的時候好大聲咁開歌聽

so同我講佢會同那班人玩下佢

我不嬲都唔鍾意玩圍摳

so我話我會保持中立,,坐埋一邊睇戲

BBQ完左就返營房,,田徑隊的頒獎典禮開始

今次頒獎的模式有d特別

首先叫左得獎的人出來

之後叫佢叫一個朋友出來

then抽張紙仔,,上面有寫要做咩指定動作

做完先拿得獎

蘇炳剛自作孽,,自己設計的遊戲玩返自己~

結果我要吹個氣球大個自己1.5個頭

好彩個波唔係好難吹啫~

我拿左個良好表現獎

頒獎典禮完左之後差唔多12點

我去左另一間房同人玩UNO同鋤D

玩玩下陳家朗又走過來細細聲講

話佢地食完杯麵之後就會熄燈玩枕頭大戰

到時就玩那個F.1仔

我就話我會回一回避

之後真係熄左燈,,成間房黑晒

我就同徐坤定躲埋一邊睇戲

只見佢地打起枕頭落

5、6個人圍住個F.1仔來打

仲聽到慘叫聲....

好似係話:「哇!!做咩又係打我ga!!」

開返燈之後我同徐坤定就撤離現場

返自己間房食杯麵

食食下黃姑佢地又熄晒燈

不過今次係講鬼故

雖然我本身唔係咁驚聽鬼故

但那度咁黑,,都聽到有少少心寒

so食完麵就去返隔離房

一入到去,,仲恐怖過講鬼故間房 = ="

個F.1仔喊到好似鬼咁,,好低音

佢地話佢已經喊左20分鐘.....

之後我就睇佢地鋤D

一路鋤佢就一路喊

之後關炳昌終於忍唔住

爆左粗:「嘈X夠未呀!!」

但佢仲唔收聲,,好彩梁子康佢地勸一勸

如果唔係又打過ga la.....

喊左大約半個幾鐘之後就冇喊(可能已經冇力喊)

之後就有幾個冇參與枕頭大戰的人去同佢講野

不過我唔知佢地講咩

我去左同黃世龍捉象棋

佢捉棋超勁,,係我見到咁多人之中最勁的.....

佢話佢係全校(唔係我地學校)冠軍

唔怪得之,,我直情將都將唔到佢軍

之後好多人挑戰佢都輸晒

2點幾返返自己間房

佢地終於講完鬼故

聽講唔講的原因係鄧建玲太驚

之後我地玩左一陣啤牌

玩到3點3瞓覺

第二日8點起身

原來隔離房玩到6點幾先瞓.....

去飯堂食完早餐就同人去打羽毛球

之後去打桌球

跟著返房執野

執完野仲有時間剩

so去隔離房鋤D

今次輸左幾多隻就要做幾多人掌上壓

輸得最多隻那個要做埋人地那d

個個做左兩次我先做第一次~

12點去飯堂食lunch

食完就走lu

o係荃灣搭MTR返來

返到來諗住瞓覺

點知阿媽班同事又上左來打麻將

so關埋房門瞓,,但仲係好嘈

如果唔係咁眼瞓我都瞓唔著

由2點幾瞓到7點幾....

之後起身食飯

p.s 好攰.....

剛剛換左首日文歌

係死亡筆記的主題曲之一:

「真夏夜之夢」

依家差唔多上午11點

一陣就出門口同田徑隊d人會合

今次個camp係兩日一夜

大概明天4點幾5點我就會返到屋企~