└）↑ 夜　太　美 ※〈┐ - QOOZA BLOG 網上日誌

hjklvbnm : 個人主頁 - 相簿 - 訂閱 [ QOOZA - 論壇 - 登入 ]

2007 年 7 月 29 日星期日

換左眼鏡

分類: 未分類

今朝起身原來阿爸已經跑完廿幾K返來....

食完早餐就出太子

換左一副$150的眼架

原來我近視只係深左25度,,唔係好多~

連換架同鏡$350

3點同伯父佢地o係警察會打乒乓波

伯父打波超勁,,相信係我阿爸三兄弟之中最勁的

佢back d波超快,,落點又準

差d唔夠佢打....

打完o係那度跑左一陣步

then打機,,那隻戰機game打左幾年都未爆到= =

隻game叫雷電

p.s 本來諗住去多次動漫節執平野

不過諗諗下都係唔去la

發表時間：2007-07-29 08:29 PM [ 訪客留言(2) ] [ 編輯日誌 ] [ 分享至FACEBOOK ]

2007 年 7 月 28 日星期六

動漫節+電玩展

分類: 未分類

今朝返學去到學校附近那時

見到昇昇班人o係對面場踢波

即刻走去話佢

踢波都唔預我!! \./

佢話驚我唔起身,,佢地6點幾踢

我叫佢下次一定要叫我

唔理幾點,,問左先算

今次係Miss Koo來上堂

我驚見XXX同學o係度

之後YYY同學又話:

精英班唔夠人咩~

註:YYY同學的說話好細聲

XXX同學一定聽唔到

呢句超正lo = ="

上完堂同昇、成、梽佢地踢波

補償返我!!

不過踢左一陣就熱到頂唔順,,走左

返到來冇耐嘉俊就上來

佢打PSP,,我就打三國志11

呢個game真係好野

雖然唔係太好玩

打左咁耐都唔覺悶~

打到4點幾阿爸話帶我地兩個去會展先

唔等食完飯先去

so搭603巴士去

超快,,10分鐘到站落車 = =

今年動漫節同電玩展都係咁多人

唔同o既就係今年d野貴左

除左d過期漫畫之外

其他野都唔低過$30

嘉俊瘋狂購物....

買左差唔多$200野

我就買左兩樣野啫

幾難得找到個唔會刮花電話的電話繩~

仲有一個有L字樣的頸鍊

另外仲影左d相

四條友背部寫住「動漫廢物」= =

佢地的正面

一個老夫子攝影師= ="

金色spider man隻眼好似後映左我阿爸個樣= =

今年基本上冇咩值得我買的野

除左DN~

p.s 明天去配眼鏡

終於要換左呢副夠左我3年有多的眼鏡~

發表時間：2007-07-28 10:42 PM [ 訪客留言(0) ] [ 編輯日誌 ] [ 分享至FACEBOOK ]

2007 年 7 月 27 日星期五

今日跑步好辛苦

分類: 未分類

今日1點9去左淘大補習

又學到野~~

補完返來打左一陣機

5點去斧山道練跑

今次係我地自己約埋一起練的

因為黃姑去左德國比賽

今次我跟陳家朗練

我地跑800、600、450、300米各一個

每個都要衝盡

雖然只係4轉,,但都好辛苦

仲跑到暈暈地tim....

p.s 明天又要返英數班....

明晚應該會去動漫節+電玩展

發表時間：2007-07-27 10:36 PM [ 訪客留言(0) ] [ 編輯日誌 ] [ 分享至FACEBOOK ]

2007 年 7 月 26 日星期四

琴晚阿媽唔知o係邊拿左個公仔返來

分類: 未分類

好得意~~但點解唔笑o既.... = ="

今日傻傻地,,8點起身做左一陣暑期作業

9點落街食野,,食完返來諗住小睡一陣

點知一瞓瞓到1點.....

仲係比鍾榮個電話嘈醒我先識起身....

佢約我打籃球,,約左1點半打

諗住冇咁快,,瞓多陣~

瞓到1點4個半字,,差d唔記得起身....

打到2點9返上屋企,,食lunch之後打真少

依家升lv慢左好多,,幾經辛苦終於升到43lv

差2lv就符合二轉條件la,,不過通常到左45lv都未二轉到

因為個二轉任實在太難做....

今日找到好多問題= =

一一解答左:

> 1. 屋企有咩人：阿爸、阿媽、阿麻、阿爺、我
> 2. 鍾唔鍾意屋企：鍾意
> 4. 最鍾意邊個屋企人：阿爸
> 5. 最討厭邊個屋企人：冇~
> 6. 覺得屋企溫暖嗎：好溫暖~
> 關於朋友
> 7. 你覺得乜野叫做友誼：唔識講
> 8. 有幾多個朋友：無數咁多
> 9. 係未每個都好fd：咁又唔係
> 10. 最鍾意邊個朋友：好難講「最」
> 11. 最相信邊個朋友：同上
> 12. 你d朋友既特點：好多唔同的特點
> 13. 唔開心既時候會第一時間搵邊個朋友：我好少唔開心 XD
> 14. 記唔記得曬每個朋友既喜惡：梗係記唔晒la = =
> 15. 同朋友嗌交會點：好少同人嗌交
> 16. 點樣先可以維持到與朋友間既友誼：少d爭吵
> 17. 如果有一日, 所有朋友都離你而去, 你會：我會好慘
> 18. o係你心裡面, 點樣先算係好朋友, 好知己：經常聊天,,無所不談
> 19. 你有咩想同d 朋友仔講：咩都唔駛講,,朋友之間心照la~~
> 20. 用一句不多於15 字既說話形容你d 朋友：個個都好得意 XD
> 關於愛情
> 21. 乜野係愛：我自問未領會到….
> 22. 愛重要嗎：對個個都好重要
> 23. o係你心裡面, 最想要點樣既愛情：至死不渝 = =”
> 24. 想唔想拍拖：唔知wo
> 25. 鍾意咩類型：冇話特別咩類型ga wo
> 26. 有冇鍾意人：唔答得唔得 = =
> 27. 點解鍾意佢：/
> 28. 鍾意左佢幾耐：/
> 29. 佢係一個點既人：/
> 30. 平時見到佢你會做d 乜：/
> 31. 有冇諗過要表白：/
> 32. 而家呢一刻想同佢講乜：/
> 33. 拍過幾多次拖：冇~
> 34. 第一次同邊個拍拖：/
> 35. 拍左幾耐：/
> 36. 佢係一個點既人：/
> 37. 同佢有咩開心/ 唔開心/ 難忘既事：/
> 38. 對呢段情有咩感覺呀：/
> 39. 而家有冇拍拖：冇
> 40. 拍左幾耐：/
> 41. 同緊邊個拍拖：/
> 42. 佢係一個點既人：/
> 43. 同佢有咩開心/ 唔開心/ 難忘既事：/
> 44. 對呢段情有咩感覺呀：/
> 45. 愛/鍾意一個人, 最緊要係d 乜：信任,,坦白掛….
> 46. 愛/鍾意一個人, 需要比人知道嗎：唔一定
> 47. 你會為愛付出嗎, 會付出幾多：唔知
> 48. 最想娶邊個：唔知
> 關於喜惡
> 50. 鍾意咩卡通人物：夜神月!!!
> 51. 鍾意邊個歌手：克勤!!!
> 52. 鍾意睇咩類型既戲：死亡筆記那類 XD
> 53. 鍾意聽咩類型既歌：咩類型都得,,只要我鍾意
> 54. 最鍾意邊首歌：好多都好鍾意
> 55. 鍾意咩顏色：紫藍色
> 56. 鍾意食乜：好味既野
> 57. 鍾意飲乜：好飲既野
> 58. 鍾意咩地方：屋企
> 59. 最鍾意星期幾：六
> 60. 最鍾意邊個節日：聖誕節
> 61. 最鍾意邊個月：7月
> 62. 最鍾意邊個季節：冬天
> 63. 鍾意咩類型既人：不能一概而論
> 64. 最想收到既禮物係：一時諗唔到
> 65. 最想人地讚你d乜：係讚我既我都想~
> 66. 唔鍾意咩卡通人物：keroro
> 67. 唔鍾意邊個歌手：冇邊個特別唔鍾意
> 68. 唔鍾意睇咩類型既戲：鬼片
> 69. 唔鍾意聽咩類型既歌：粗口歌
> 70. 最唔鍾意邊首歌：一時諗唔到
> 71. 唔鍾意咩顏色：冇
> 72. 唔鍾意食乜：榴槤
> 73. 唔鍾意飲乜：廿四味
> 74. 唔鍾意咩地方：污糟的地方
> 75. 最唔鍾意星期幾：一
> 76. 最唔鍾意邊個節日：冇
> 77. 最唔鍾意邊個月：6月
> 78. 最唔鍾意邊個季節：春天
> 79. 唔鍾意咩類型既人：扮野的人
> 80. 最唔想收到既禮物係：炸彈 = =
> 81. 最唔想人地話你d乜：唔鍾意人講我壞話
> 關於儀容
> 82. 覺得自己既樣貌係：不過不失
> 83. 係咩髮型：唔識形容
> 84. 你化妝嗎：痴線,,點會 = =
> 85. 滿唔滿意自己個樣：滿意
> 86. 乜野叫靚：呢d野好主觀
> 87. 乜野叫型：呢d野好主觀
> 88. 用邊隻護膚/ 化妝品：又係痴線
> 關於而家呢一刻
> 89. 而家最想做d 乜：瞓覺
> 90. 而家最想見到邊個：克勤
> 91. 而家諗緊邊個：冇諗其他人
> 92. 而家最想打既人：我唔亂打人ga~~ XD
> 93. 而家最憎既人：冇wo
> 94. 而家最想得到d 乜：唔知
> 96. 而家既心情：悶
> 97. 而家既時間：晚上8時02分
> 關於呢100 條題目
> 98. 對呢100 條有咩感覺：好多….
> 99. 用左幾耐時間做呀：冇計
> 100. o係邊度copy 番黎：同學xg

1* 今日係幾號：2007年7月26日
2* 有心理準備做呢100條未：冇就唔答你呢題la = =
3* 最鍾意聽咩歌：好聽的歌
4* 你有無潔癖：少少la
5* 鍾意ICQ定MSN多：MSN
6* 用8個字形容你自己依家既心情：無聊至極，好想玩呀
7* 最後一次睇咩戲：蜘蛛俠3
8* 住係邊區：油塘
9* 最想得到咩：唔知
10* 曾經愛過最衰既人：/
11* 有無後悔愛過佢：/
12* 有無想過幾時結婚：冇
13* 你覺得最可怕既係咩：人心
14* 識得最耐既朋友係邊個呢：自己
15* 如有識左幾耐：15年
16* 日記網址係咩：http://blog.qooza.hk/hjklvbnm
17* 最討厭的人或物：人:冇物:令人討厭的野
18* 屋企電腦係唔係廢既：一時時la
19* 最想多謝邊個：冇啦啦多謝邊個 = =
20* 近排有咩令你有好大壓力：考試,,不過過左lu~
21* 有無得罪過人：以前有
22* 如果有得罪左邊個：唔記得lu
23* 用咩牌子既筆做功課：好多
24* 做呢100條煩唔煩惱呀：ok煩
25* 第一次拍拖係幾時：/
26* 記咩最叻：地方
27* 有無講過粗口：有
28* 最討厭咩天氣：潮濕/焗
29* 最鍾意哪細理：你問乜呀 = =
30* 鍾意男定女：女,,我唔係gay既
31* 支唔支持同性戀：冇意見
32* 最討厭的數字：9
33* 喜歡邊一類型既男性或女性：唔知
34* 有咩秘密唔同人講：話明秘密咁仲講!?
36* 數出你最愛既朋友：虫、羊、昇等等好多人
38* 係唔係乖學生： 梗係係la~~
39* 依家幾歲：15歲
40* 數口叻唔叻：麻麻地
41* 去開邊間超級市場：惠康
42* 你覺得你係咩人：好人
43* 口頭禪係咩：哎呀
44* 怕唔怕黑：唔怕
45* 上網多數做咩：聽歌or打日記
46* ICQ no.係咩：冇ICQ
47* 會唔會日日都打日記：如果有時間會
48* 幾度先會開冷氣：熱就會開
49* 偶像係邊個：克勤~~~
50* 做左一半啦開唔開心：唔開心
51* 最喜歡哪一套動畫：死亡筆記
52* 細細個個時得唔得意：得意掛….
53* 有D咩古怪既習慣：一定有被蓋先瞓得著
54* 覺得自己尚算正常嗎：正常
55* 做過最LOR既事：PTH歌唱左廣東話 = =
56* 讀近咩班：3E
57* 有咩事係你依家既人生轉淚點：唔知
58* ICQ HANG左你會點：冇ICQ
59* 有無呃過最愛既朋友：冇
60* 最鍾意香港邊一到：屋企
61* 最鍾意講既單字：呀
62* 最討厭咩戀情：三隻角那d
63* 鍾意睇邊一類型既戲：冇話特別邊一類型,,鍾意就睇
64* 鍾意韓國定日本多D：日本
65* 點解鍾意呢個國家：多d電玩野
66* 最怕既動物：所有昆蟲
67* 依家有咩目標：考試入top10
68* 最想學習哪一種語言：冇
69* 你覺得邊一個作家既書最好睇：金庸
70* 如果要你放棄一樣:愛情,親情,友情.你會選哪樣：好難揀,,唔揀 = =
71* 有無打ICQ N/A MESSAGE：冇ICQ
72* 見到咩人會即刻OFFLINE：雞啄唔斷的人
73* 電視劇值唔值得追：一d d
74* 會唔會幫呀媽做家務：間中
75* 你係屬於被動定主動既人：有時被動有時主動
76* 形容你最討厭既人個樣：無法以筆墨形容
77* 上網最唔好既地方係咩：會近視
78* 有無用BIT TORRENT(即BT)：以前有,,依家冇
79* 有無想過要整容：冇
80* 覺得自己最令既地方：唔識答….
81* 有無界過手：冇
82* 最想養既動物：貓 ^^
83* 覺得自己衰唔衰：你問我梗係答唔衰ga la
84* 有無兄弟姊妹：冇
85* 係唔係淆底怪：唔係
86* 最唔相信邊個：昇昇 = =
87* 如果有個傻仔/女話想溝你，你會點：睇下佢真傻定假傻先
88* 見過最核突既事：一時諗唔到
89* 屋企有無種花：有
90* 返學會唔會著冷衫：凍就著,,熱就唔著
91* 有無鍾意人：冇掛
92* 最鍾意咩顏色：又問既 = =
93* 牙JAY定EDISON靚仔D：牙JAY乜水….
94* 知唔知道神係咩：我lor~ XD
95* 上咩堂先會訓覺：只要真係好眼瞓就會瞓

發表時間：2007-07-26 08:01 PM [ 訪客留言(1) ] [ 編輯日誌 ] [ 分享至FACEBOOK ]

2007 年 7 月 25 日星期三

克勤出新碟la~

分類: 未分類

今日特登換左入面其中一首歌----Twins

做Blog的背景音樂

產品資料

產品名稱 : My Cup Of Tea (CD+DVD)
格式大小 :Vbr/55Mb
歌手名稱 : 李克勤
出版日期 : 2007年7月24日
語言 : 粵語
出品商 : 環球唱片
其他資料 : CD

--------------------------------------------------------------------------------
《My Cup Of Tea (CD+DVD)》內容簡介

李克勤兩年來憑《演奏廳》系列贏取「IFPI香港唱片銷量大獎」，問鼎「賣碟王」寶座，成為全港最賣碟的歌手！2007年度克勤大碟《My Cup Of Tea》主打全球關注的環保意題，並以一曲「花落誰家」當「環保大使」並宣傳環保意識，Eric Kwok及林若寧的曲詞均充滿對環境破壞的感嘆。另外，碟內亦收錄了與小剛(周傳雄)合唱、TVB慶祝回歸重頭電視劇《歲月風雲》主題曲，由已退出樂壇的音樂大師顧嘉煇為此劇作曲、張美賢譜曲。
自《演奏廳》大獲好評，克勤亦在新碟中以他的靚聱及富感情的真人演奏，再次回饋樂迷。《My Cup Of Tea》CD特別找來首位榮獲國際蕭邦鋼琴大賽獎項的青年鋼琴家李嘉齡小姐，以及世界知名的小提琴演奏家David Garrett分別為「紙婚」奏樂。而隨碟附送的Bonus DVD，除了收錄三首新歌的MV外，DVD內還有十首新歌的Multi Audio Tracks，用家可自選個別樂器演奏，令樂迷可以每一曲從不同的樂器配合下，細聽克勤的細緻演繹，演奏者包括︰香港小交響樂團、音樂人馮翰銘(鋼琴)、蘇德華(結他)、Anna Kwan(大提琴)、Mathew Wu(長笛)、Tinny Cheung(雙簧管)等，是繼《演奏廳》系列後給樂迷又一驚喜！

李克勤HACKEN LEE-【MY CUP OF TEA】
全新廣東專輯CD

收錄全城關注 - 環保主題之作冠軍歌曲-花落誰家

特別收錄-無線TVB 60集慶祝回歸重頭電視劇 - 歲月風雲
主題曲: 歲月風雲 - 小剛(周傳雄)合唱

特別推薦曲: 紙婚featuring David Garrett on Violin

另搶先收錄: 3首最新MV-歲月風雲、花落誰家、紙婚featuring David Garrett on Violin

CD
01. 紙婚 featuring David Garrett on Violin
02. 父子
03. 單身繼續
04. 分岔口
05. 花落誰家
06. Twins
07. 巴西女子隊
08. 生命四重奏
09. 小寶寶
10. 晚安
11. 紙婚 (Piano Version) featuring 李嘉齡 on Piano
Bonus Tracks
12. 歲月風雲– 小剛 (周傳雄) 合唱: TVB電視劇歲月風雲主題曲
13. 花落誰家 (Earth Remix)