琴晚10點幾先返到屋企
又攰,,so冇打到呢幾日d野
依家一次過打返
4/8
飛機餐食菜肉包.....
阿媽話可能係代表TW
我諗咁上次去日本點解冇壽司食= ="
飛左大約個半鐘,,到左台灣桃園國際機場
搭車去酒店那時落勁大雨,,又行雷又閃電
好似紅雨咁....
不過到左之後又冇咩雨la wo
我地間酒店叫天成大飯店
我同馬太個仔一間房
執完野之後就去酒店附近食地道牛肉麵
之後去書局睇書
本來想買一本關於兵器的書
但太貴,,所以冇買
夜晚去士林夜市
10點幾11點仲係咁多人,,十足HK的旺角
買左對adidas拖鞋,,仲買左件T-shirt
比阿爸講價由290NT講到250NT
($ 1 = 4 NT)
------------------------------------------------
5/8
7點半起身,,8點o係附近食漢堡包....
今日有個導遊帶我地
60歲左右的陳生好勁架,,識好多野又nice~
 右面呢個就係導遊la~
之後去搭貓空纜車,,由於新開冇耐
so排隊排左一個鐘有多,,又熱,,慘.....
搭到去「動物園內站」落車行動物園
企鵝同樹熊好得意~
大象d大便勁臭.....
由於時間關係,,行左好少地方就走
之後去嘆烏龍茶同一個中式lunch
之後就去忠烈祠,,我地去到那時係2點11
3點正有操兵睇
佢地一個鐘交更一次,,每次都要咁操.....
佢地操得好齊,,拋搶又萬無一失,,勁~
之後後再去故官博物館
聽講蔣介石退去TW那時帶走的國寶都o係晒度
聽陳生講解學到唔少野~
之後去左我貔貅館聦五行佈局、命格那d野
關頭聽覺得幾有道理
但之後講我地d名字的命格之後就覺得佢搵笨
佢話我改呢個名會令我健康唔好,,又話我氣管有事
我心諗:我平均兩年先小病一次,,長跑隊成員之一
咁都叫唔健康咁你咪死得!?
之後仲話要化解就買佢那個5000幾NT的玉,,睬你都傻~
之後去左行情人橋,,那度的夜景真係好靚,,又浪漫
不過好大風....
之後搭車去淡水老街,,食品川牛肉麵
50件老字號,,好味~
食完去「掃街」,,一路一路買小食一路shopping
我同團中其中一個女仔都整左個臘手,,150NT咋~
HK都要六、七十蚊la
行到9點半就搭車返酒店lu
返到來發現有波睇,,曼聯vs車路士
睇埋先瞓,,比數1:1
------------------------------------------------
6/8
今朝同阿爸落左街跑步
本來唔想跑的,,不過比阿爸捉左落去....= ="
圍住個台北車站跑,,一個圈600幾米左右la
唔少望住我地,,搞到我好似傻咁= =
跑左返酒店沖完涼o係hotel食自助早餐,,仲有益力多....
食完去圓山大飯店
係一間極豪華、勁高級的酒店,,影左好多相
天花板的五龍吐珠~
之後去睇毛家公主
係一個少數民族受政府保護,,准許佢地o係度做生意的
佢地的特產係蜂王漿同靈芝茶
阿媽買左我地今次旅行最貴的野
9千幾NT的靈芝粉,,送一盒4兩的靈芝片
之後再去九份山城,,佢曾被譽為「悲情城市」
o係那道睇d地道野,,買左把孔明扇~150NT
阿爸又買左把40NT的「青龍寶刀」(木造)
其實我覺得50NT那把木劍仲抵
o係那度食埋勁大牛丸麵就走lu
之後去野柳奇石,,都幾靚ga~
行完返酒店一陣再去西門町
西門町同HK的銅鑼灣差唔多
o係那度食麻辣火鍋,,真係超辣
小辣已經辣到飛起(我地都已經幾食得辣ga la
)
好彩呢次係自助式,,橙汁任載,,又有雪糕~
食完就行街lu,,見到一件衫好型
睇落去似係T-shirt上面加件裇衫,,但其實係一件衫
兩件連埋的,,都只係390NT,,其實我想買的
不過阿媽話「唔斯文」,,so冇買到,,可惜......
行到咁上下就返酒店lu
本來7/8去水上樂園玩的
但TW天文台話明天有颱風
TW天文台一向都好準
so冇去到,,又係可惜.....
------------------------------------------------
7/8
今朝o係台北車站的「站前地下街」食野
食完我有d肚痛,,so返酒店一陣
睇來都係呢兩日食得太雜所致.....
之後搭「高鐵」去板橋行遠東百貨
(高鐵係台灣除飛機以外最快的交通工具
同日本子彈火車差唔多,,我地只係搭左7mins,,一個站
但就等於捷運的4個站,,十幾mins)p.s 捷運=HK的MTR
行完遠東就返酒店附近行一陣同食lunch
2點幾就返酒店拿行李走,,大約4點半到機場行
TW機場同HK機場真係無得比
TW機場又靜又冇咩人,,飛機好快就起飛
HK機場就人來人往,,飛機直情要排隊起飛
行機場那時買左本書
叫「影響中國的85位名臣」
本來450NT,,特價299NT
我地6點2上機,,6:24起飛,,7:31到HK機場
↓我地班機
到左之後欣賞到HK機場的夜景
真係好靚,,無得頂~~
------------------------------------------------------
之後再講下我o係台灣發覺到的野:
台灣的食店有唔少都係白飯同飲品入場任載的
只要你出句聲,,成碗飯加比你都得~
不過佢地就唔係咁環保,,d碟全部用膠袋套住
d野食就放o係上面,,食完就自己拎走個膠袋
放去指定的膠袋收集處同碗碟收集處
不過呢樣又顯出佢地的自律
另外杯又用紙杯
除左火鍋那餐好似冇一間係比非紙杯我地的
仲有我發覺台灣真係好少酒樓
行左四日只係見到一間.....
仲有台灣好似冇咩警察巡邏
行左四日又係只係見到一個.....
仲有台灣真係勁少垃圾筒
行成條街都見唔到一個
但街上又幾乾淨wo....
HK反而周街垃圾筒,,但好多垃圾o係地上.....
另外一樣我地個個都發覺到的
o係街上最多人行的唔係打工仔
唔係師奶,,而係學生,,仲多數係女的
我覺得今次旅行比上次去日本遜色左少少
可能因為今次玩得少la
另外仲有d相:
o係飛機上
呢個係台灣遠景
下面呢幅坐o係貓空纜車上面影的
好粗大的蟒蛇,,我諗佢可以食左一個人la....
好大的變色龍@@
呢隻龜好生猛牙~咁大身型仲咁生猛真係難得~
d企鵝隻隻望住塊鏡企定定
可能佢地的群體動物,,鍾意成群一齊la
企鵝游水~~
佢係一隻母獅
那度我最鍾意的動物:蒙古野馬
佢真係企定定o係度一個鐘ga.....
我想問打風點算= ="
下面兩幅都o係忠烈祠影的
故古博物館出面
品川牛肉麵呢間店的其中一味菜
牛肉粉絲,,超好味~~~
毛家二公主
跟著呢d係o係圓山大飯店影的
關公
呢度係維格餅店
 o係餅店入面可以用筆留下名字
之後那d係九份山城
呢幅o係特大牛丸麵入面影的
相中人係老闆娘,,睇得出佢好貪靚= =
之後那d係野柳奇石
拿住孔明扇影~
那度真係好曬,,好難先掰得大隻眼....
台灣街頭
老天祿最出名就係鴨舌
老天祿入面一樣好有趣的產品
叫繖子= =
香港人講那d碎銀又係叫散紙....
之後3幅係o係我地酒店(天成飯店)影的
之後6幅o係高鐵影的
呢架差唔多係HK的小巴
遠東百貨的大門口
之後那d都係o係TW機場影的
我地飛返HK的飛機
我地團人
  生的小強比野黏住唔郁得....
間野個名好搞笑~
 
我地酒店都有發布颱風柏布的動向
 
想睇更多相的就去呢度la:
http://photo.qooza.hk/album.php?user=hjklvbnm&albumid=133416
其實我都post左絕大部份ga la
|
