最佳電影:我地那組~(最高分)

最佳男、女主角:

尚待其實候選電影上畫才可決定

最佳剪接:支持阿揚~~

今日第8同第9堂入hall聽講座

話就話性教育講座,,但佢一直講電車男

而且我一直唔清楚佢想講咩,,立場不清晰

不過佢的演譯方式唔錯,,口才幾好

放學後的Singing Contest我去唔到,,去左練跑

唔知結果如何呢

今日練跑跑左個400做time trial

用左9成幾力跑,,1分03秒返來

比最快那次慢一兩秒

到時比賽應該可以谷快d掛....

今日6點就起身,,同阿爸去左大埔比賽

佢跑10K,,我跑3x1K

在APM下面個巴士站見到餅乾、陳家朗佢地

一齊搭74K,,去到目的地在巴士站等泰仔

等的時候勁凍,,聽講那度得9度

我地蒙民偉出左3隊

每隊依接力次序排列:

A隊:林偉權、陳家朗、餅乾

B隊:我、黎恆、馮宇聰

C隊:黃錦豐、肥仔、泰仔

3x1K賽事有11隊人,,頭5名有獎

一出我跟著林偉權衝

之後墮後左少少,,找左個人擋風

500米turning之後發覺我找來擋風那個開始加速

我追佢唔到於是自己又加速追林偉權

尾100米發覺想爆都爆唔到,,隻腳比風吹到僵

只可以勉強大步跨,,最後慢林偉權少少返

黃錦豐慢我十秒左右

林偉權跑3分21,,即係我都差唔多3分23

成績算唔錯,,不過跑完真係仲凍過未跑....

著返件衫睇隊友比賽

黎恆好快返來(3分正),,應該追到一兩個

最後一棒馮宇聰o係700米左右比人過左

跌到落第6名,,到最後都追唔到第5

餅乾佢地那隊第4名返

跑完林偉權嘔,,可能因為吸得太多寒風

影左d相:

完左之後成班人搭返74K返九龍灣,,去淘大食野

p.s 明天都係唔去睇歌唱比賽la,,要練跑....

今朝返到去發覺我地班得我同虫兩個男

在場有兩個外籍人士(Nick & Ken)

同一個似中國人但講英文好流利的人

首先Nick介紹幾個生字

之後找人試下同Nick & Ken做模擬訪問

比虫、April、Yammi一同推舉左做組長出去....

好彩出到去冇比人揀中...

講左d訪問人需注意的事之後就出發

第一站TST,,在那裡找遊客做訪問

找左3個,,兩個話唔得閒,,好彩都有一個得

佢叫Chris,,來自UK的London

佢真係串Chris個字比我地聽.... = ="

佢都算健談o既~

訪問完之後佢仲話希望在倫敦會見到我地(so nice~)

11點去返車去下一站,,睇雀仔....

之後再去羅便臣街附近搭電梯

搭左不下20條斷斷續續的電梯之後再行去搭返旅遊巴

最後回程,,o係佐敦比Nick & Ken落左車之後就駛返KT

o係KT MTR附近落車返油塘

買M記返屋企食

明朝去大埔比賽,,3x1K

我地學校出左幾隊,,其實咁凍都唔想咁早起身....

p.s 點解Parker在常識問答比賽輸得咁慘ga

      依家搞到人地以為我地Parker能武不能文...

今日又係返學校上四堂走

同徐坤定、鴻濠一齊搭MTR去灣仔

報到左之後去附近大家樂食野

食完返運動場睇比賽

一路睇一路凍,,今年首次試過呼氣會噴煙....

伍頌研甲組1500米拿冠軍

餅乾乙組1500米跑第3

我地學校丙組4x100米包尾

都係怪佢地四個唔識接棒...

本來3點8到我地乙組4x400米

但去到4點幾先叫集合

去到集合之後又等左好耐,,之後話要delay

最後仲話取消,,延遲到第三日先跑(下星期四)

一講完d人咩粗口都出齊 = ="

我諗可能原因有幾個

1.工作人本身已經少,,咁凍天氣有工作人員頂唔順

   最後因為少人得滯逼住取消

2.田總卜場的時間夠,,要交返個場比人

3.場地積水太多

最後唯有無奈地返屋企

o係那度影左d相:

d人好鼓譟....

無奈地離開

落左成日雨,,成個場濕晒...

琴晚Thomas打來找我

問我肯唔肯幫手今朝的早會宣佈

在佢的發問技巧下我應承左...

今朝連睇連練用左15mins左右就去講

我講第二句,,應該冇咩人認到我掛...

講完之後聽左Miss Wu一段「訓話」,,唉...

算la,,呢d野中二我都聽唔少la

今日同阿揚捉棋輸晒

有一場本來上風o既

昇一路o係隔離嘈

搞到大意死左車,,之後輸晒

不過自己都係睇漏太多步la

要番捉多d,,如果唔係真係會生疏...

我知阿揚那d棋係典型的壓迫進攻

所以比佢行先會麻煩d

對付佢唯有捉得比佢狠,,壓返住佢來捉