今日係AL第一科前的最後一日返學

lunch班內27人一齊去潮篇飲茶~

感覺唔錯 =]

睇到電視話財爺派錢,18歲以上有身分證就有$6000

大家都好開心,已經諗緊點用好...

叫左好多野食,聰聰起勢tick野食= ="

下午BIO堂睇片,睇完阿sir同我地傾下計

又講下投資,又講下大學生活 etc

放左學同宋sir合照一幅~再在課室影左陣相

AL前夕的最後一日就此過去

希望如宋sir的比喻一樣

十年後在某高級餐廳

我會是坐在阿sir的隔離桌,而非捧餐比阿sir

今日終於考完Mock

琴晚仲溫緊BIO,成課遺傳未睇過....

Paper1又出勁多遺傳,好彩有d底都算唔空太多

其他題一般般la,不過聽人講好多都係past paper

我無後悔= =真正AL都唔會出past paper la...

Paper2一派派五本Answer book = =

O左.....(之後先知原來係一題答一本,被扣分了sosad)

3個鐘寫到日月無光,以前寫中史都冇咁癲

事關題目問既野我都可以答到好多落去

雖然唔知邊d有分邊d冇,不過寫晒總好過寫漏~

寫到最後一刻仲寫緊,剛剛好完

雖然辛苦左兩個鐘,但覺得份paper2應該唔錯=]

考完有人話打波,於是玩下

怎料身心疲累加上BIO卷寫到手抽筋

連個射籃底波都冇力....

今日真係hea下先la,明天先再搏殺吧

自星期一作感冒下踢四強戰後

前兩日感冒菌入腸胃

睇左醫生,之後名副其實的"又痾又嘔"左成日

今日剛剛覺好左,但又有季軍戰

本來諗住唔踢,但見雙方實力差唔多

終於在上半場被入一球後同聰換

不料入替不久又輸一球

個肚其實仲有d唔舒服,不過落後兩球之下

我都好努力在前場做好d

可惜只能入到一球,最後輸3比1完場

雖然輸左,但我自問都盡力了(大病初癒><)

而且我覺得成隊波整體上都進步左

又多左出聲提隊友點做,積極左

唔似四強戰時一盤散沙咁

比起勝負,這似乎較重要吧~ =]

此後中七理各位可以專心溫書la

今日應該係破紀錄咁凍....

返到學校第一堂就係中化

Quiz本"中國語文趣話"

本野星期日先買,睇左短短兩日

雖說本書得二百多頁

但畢竟我睇書慢= ="

所以都有d怯,Miss Tong出d問題我唔識形容

話好難答唔出野又唔係,容易到從本書搬字過紙又唔係

但總給我"不好答,難高分"的感覺

算吧,反正這些Quiz不是不合格就可以了

之後的BIO堂一如以往都係做paper

放左學買吉野家回家食,凍凍的天氣都係留在家比較好~

明天一早返學校上一堂UE,9點9又放得學

真係幾無聊.....

今日8點半返到來打慈善籃球賽

對方實在在身形上優勝

輸波都無可厚非.....

之後踢西瓜波~

同之前讀過聖愛德華的朋友一隊including陳向隆

B組對3隊,贏兩隊----1:0同7:1

輸一場

可惜有一隊三場全勝,我地冇得出線踢決賽

如果計得失球應是我隊出線吧= ="

係有d可惜,不過不要緊,just for fun~

上返課室開Party

玩左陣大電視

仲有好多表演睇 XD

英毅的"小明上廣州","嗶嗶嗶"同"三字經"

傑軒,魚仔同嘉俊的"唔洗熟最緊要快"

之後我同魚仔都比人叫出去唱歌

魚仔solo一絲不掛

聰聰就整左首浮誇我唱(好難唱....)

果然,後段狂走音 ><

大家唔好介意~

之後再同Joan合唱一事無成&好心好報

曲終亦是人散的時候

落去影左幾幅相,仲同宋sir合照

p.s. I Wish You Merry Christmas