「收皮」或者你都聽人講過。
但係，你有冇諗過「收皮」中嘅「皮」係指啲咩呢？

對於「收皮」中「皮」係乜，有以下兩種講法。

第一種：
「皮」係指：番灘(一中國賭博玩意)嘅一樣賭具。

第二種：
「皮」係指：貔貅(一中國瑞獸)。

講法一：
指：「番灘」嘅一樣賭具。

番灘係一種中國賭博玩意，「皮」係墊喺最底嘅一張蓆，放喺檯度用嚟墊住其他賭具嘅。當到收檔嘅時候，最後都會收埋呢將蓆，叫做「收皮」。「收皮」就有「收檔」、「結束」之意。

講法二：
指「貔貅」。
「貔貅」其實係中國一種瑞獸，係由形似「獅子」嘅「辟邪」演變而嚟嘅，頭上有雙角。好多人會認為「辟邪」等同「貔貅」，但「辟邪」有翼，而「貔貅」係冇翼、唔識飛嘅。

而家貔貅亦係一樣風水物件。因為相傳貔貅觸犯天條，畀玉皇大帝罰佢淨係可以 以周圍嘅財為食物，而且食咗冇得屙，只能靠排汗嚟排泄。

風水中，貔貅有吸偏財嘅能力，所以以前嘅賭檔都會擺一隻或者一對貔貅喺門口。直到收檔時收番。故「收皮」，「收貔」也。

不過依家香港人叫人收皮都係指包皮。