陳奕迅 - 月球上的人
作曲: 蘇耀宗
填詞: 林若寧
編曲: 王菀之

無須要快樂　反正你一早枯死
如果有眼淚　只不過生理分泌
就算淚水多得　可灌溉整片濕地
蒲公英不會飛　陵墓裡伴你於一起

如果有再會　恐怕已經一世紀
回憶哄騙我但凡失去也是美
共你一分鐘　都足夠我生醉夢死
如懷念也是有它限期　明日我便記不起

從未來再見　遺憾舊時不太會戀愛
願我永遠記不得我正身處現在
從月球觀看　難辨地球相愛跟錯愛
三世書不會記載　情繫我這半生的最愛

時空太過大　超脫我的喜與悲
人戀愛過後自然參透到命理
就算一雙手　只擁抱你的紀念碑
流離在某月某天某地　仍自覺共你一起

從未來再見　遺憾舊時不太會戀愛
願我永遠記不得我正身處現在
從月球觀看　難辨地球相愛跟錯愛
三世書不會記載　誰為某某歎息感慨

再見　仍舊未能跟你再戀愛
但你與我有過的過去　牽涉後代
從未來觀看　潛伏萬年的野史記載
不理它小愛與大愛　人類太過緲少的最愛

《月球上的人》係叱吒903移動廣播劇《黃金少年seasonIII》既主題曲,由陳奕迅主唱,

根據黃金少年seasonIII既結局,將來黃金少年應該唔會再有seasonIV,

月球上的人係我依家最鍾意既廣東歌,

估都估唔到細蘇竟然係作曲人..而且都作得幾ok,

其實黃金少年呢個廣播劇都算係一個佳作,

如果佢依家完有d唔係好捨得,

因為黃金少年seasonI到III好似係橫誇06同07年,

星期一王五一日一集,唔計每個season之間既援衝期,

一共有百幾集,

不過死唔斷戲我認為更加衰,起碼依家留到一個唔錯既回憶,

當中黃金少年既開頭同結尾都幾正...

一開頭係講發明俠(森美)著住必必拖鞋去到隱形俠謝拉(芝c菇b)既墓前,同佢講左好多野,

而結尾就係首尾呼應返開頭既野,但係角色多左一個,就係洛佳兒(楊千嬅)

更加多左每位主角既心聲,好似厚顏俠吳水(Leo),

縮細俠王雞(阿盧@I Love You Boy's),半邊俠阮欣欣(小儀),菩提俠蘇耶(細蘇)等等,

另外我自己覺得seasonIII既遺憾係劇情講放大俠王龍(阿占@I Love You Boy's)去左日本搵川島河蘭(朱薰),

令到王龍冇係seasonIII出現,

我發現佢地每個主角都有三角戀,

發明俠,洛佳兒,謝拉,

王雞,阮欣欣,徐詠,

蘇耶,陸欣(阿wing,現實中同細蘇已經係一對夫妻...),吳志強(miki楊愛瑾@cookies)

除左吳水之外,其他全部都係三角戀,

其實黃金少年中有好多令人深思既住句,

當中蘇耶係未來度寫既論文,係我最鍾意既一個部份...

佢論文寫既係愛情論,

寫既係佢同陸欣,吳志強之間既愛情,

佢既愛陸欣,又愛吳志強,陸欣同吳志強都好鍾意佢,

而蘇耶就用燉蛋比喻為愛,

將自己既心聲話比陸欣同吳志強知,

話比佢地知蘇耶佢自己唔係幫助佢地解脫既人,

就係呢個時候,蘇耶亦都要坐時光機返到現在...

其實係黃金少年裡面知道製作單位好比心機去做,

成績亦都有目共睹,

我自己亦都好期待下一輯廣播劇,希望亦都係一篇佳作...

被你發現愛你在廿一世紀,

其實,

早在十九世紀已喜歡上你,

時距相差一百年,

遺憾的是,

再沒有時間去挽回這段救不了的愛情...

<<<<<<<<<<>>>>>>>>>>

據班主任報道,

全級:55名,全班:25 or 29名..唔記得左..

平均分..59.xxx

打破自身紀錄喇又...

唔知係簡左科之後其他人成績退步左定係我自己進步左...

平均分上年又係5字頭,

不過上年全級係89...

正正正正....

本班既頭1,2,3名都係全級既1,2,3名...

哈哈哈...證名左呢班係好勁既...

WaT d歌好聽..

死神動漫睇到83...

究竟...日番谷隊長既現世版..型唔型呢...

白哉都好似會去現世...究竟..被黑崎斷劍既朽木白哉會唔會變返強呢...

上網睇到有人養左隻雪橇仔同雪橇女...好得意...成日打交....

我諗下學期唔可以再懶散落去..下學期要認真溫書....

希望可以有65平均分到.....會唔會個目標定得太過高呢....

人們總係想留住美好既時刻,

所以喬治.伊斯托馬就發明左相機,

之後人們想尋找失去左既時光,

所以藤子不二雄就將時光機呢個幻想放入叮噹既百寶袋入面,

其實冇乜點解,呢一切都只係人類唔識得點去享受眼前既一切,

只係識得為眼前既野寄下歷史...

40年代,

曾經有一個船員係一架郵輪上面工作,

月色照耀孤獨既大海,

郵輪上船員正清洗緊甲板,

正當船員以為今夜要獨自渡過既時候,

一個搭客走上甲板,欣賞月色,

本來搭客與船員應該冇話題可以傾,

但係出奇地,搭客同船員係果晚傾計直至天光,

船員同搭客互相唔認識,但係十分投契,

幾日後,郵輪泊岸,

船員同搭客係上船前,大家都係單身,

但係落船後,大家成為戀人,

冇幾耐,佢地結婚,

佢地兩個都係窮人家,

所以雙方家長都冇好老土咁反對,

但係係結婚果晚,

船員要出海,要一個月先返,

就係咁,新郎係宴會既中途就急住離開,

而宴會既尾段,就只有新娘一個,

不過佢地冇因為呢件事而分開,

仲係1953年生左第一個女,

之後仲生左兩個女同一個仔添,

繼而3個孫女出世,

而佢地第一個孫仔就係1991年出世,

佢地一直都好開心,

直至1997年,女方去世,男方流下咁多年黎第一滴淚,

悲傷維持不久,

因為當年既搭客係半世紀以黎,都冇離開過當年船員既心.....

如果我仲清醒的話,船員係我阿爺,搭客係我阿麻,

其實每一個人有自己既故事,

樓下果個乞兒,麥記果個阿姐,

古巨基,泳兒,陳奕迅,

董建華,曾蔭權,

朗拿度,古治,杜奧巴,碧咸,

超人迪加,巴魯坦星人,

即使係電車男咁自閉既人都有自己既故事,

我想講既係人係唔會多一個唔多,少一個唔少,

每一個人都唔係廢物唔係垃圾,

每一個人都係獨特,

咁..你呢?

潮流,黃金,青春,愛?

會過去的總會過去,浪潮已過,

唯一剩下的,只有愛...