10 JULY 2008  

貴人出門又係下雨. 我開始有少少明白呢句說話 : 貴人出門遇風雨. 不過呢句說話只適合尋日, 今日. 我相信听日一定會好

天. 點解...因為我听日唔會再係貴人啦.

負責咖啡廰的資深經理剛好休息兩日. 傳聞中, 呢位經理(terry)係惡霸, 好喜歡欺壓良民. 我听日返工一定會受到呢位惡

霸既攻擊. 我係良民來架, 一定招架唔到佢既攻擊啦. 唔知听日我會捱到幾耐呢? 唔知有冇天使出現打救我呢?

今日做事特別多, 密密出錯. 早上要應付六國聯軍, 我已經身中多彈. 遂一介紹, 有日本人, 韓國人, 中國人, 美國人, 英國

人, 香港人. 今日辛苦程度達4星, 仲未到達5星. 錯事事件薄 : 第一件, 听錯野(唔該三杯茶, 以為三支叉). 第二件, 倒錯

茶倒錯啡(人地要茶, 我倒啡, 人地要啡我倒茶). 第三件, 介紹錯野(問人地要唔要飲品, 人地以為我講附送品, 最終臭氣收

場). 唔得啦, 周身痛, 周身傷, 超級彼累, 要早d休息啦. 明天再繼續行程啦!

ps   (蘇超 生日快樂呀!)

ps2 (今日學左D乜 : 1. 收拾枱&set枱 2. 走布草 3. 洗樓 4. 落單 5. 帶位)

(常言道 : 天將降大任於斯人也, 必先勞其筋骨, 苦其心志, 餓其体膚. 係唔係真架呢? 如果係, 咁我就有小任啦, 因為我已

經勞其筋骨, 餓其体膚, 仲差一個苦其心志  )

格言(無論在任何環境, 都要謹守岡位, 為反擊而作出準備.)

9 JULY 2008  

見工日下雨，上班第一日下雨。听老人家話 : 貴人出門遇風雨，唔知係唔係真架呢，我係貴人貴人啊!

返返來現實先，今日係我第一日係華美達酒店開始實習既日子。 朝早7點幾起咗牀，趕趕趕，準備好一切所需物品就出

發。經過計時，到達目的地需時五十分鐘，+換衫褲，+打手卬，剛剛好一個鐘。 開工時間係9點正，收工時間係6點

正。唔知係幸運，定係有意安排。幸運 : 岩岩好過咗最忙既早餐時間。有意 : 9點至6點，岩岩好可以見識到上午晚三段 

時間既工作。Q1: 幸運 / 有意。

辛苦程度3星，最高5星。听其他實習生講，(听)天我7點開工，4點收工，就會知道辛苦程度點樣達到5星。 唔好嚇我

啦...好苦! 今日企左成日，只腳好攰，就來抽筋。(听)日要5點鐘起身=.="，要搭第一班地鐵先趕得切返7點。都唔知有

冇精神架...一個唔覺打爛佢D嘢都唔知點收科好。D杯杯碟碟好重架，拎起都覺得手震，真係好驚他朝有日間酒店開唔

成，因為我打爛曬D杯杯碟碟，惡夢的開始。。。今日就係係咁先，(听)日繼續行程啦。

PS : 1. 今日學咗抺杯杯碟碟，原來好有學問架。2. 餐枱擺設方法。

(真係應驗世人的話語 : 唔辛苦邊得世間財，有錢都無命享。)

格言(努力向前，永不退後，才是人生的道路。)