16 JULY 2008

今日返8點收5點，一返到去基本功，做呢樣做果樣。由於咖啡听裝修好，所以D野又要搬返原位，好煩搞來搞去又係變返

原樣。好多重野要搬，到我收工都係做左一半，听日返去要辛苦咪另一半=.=" 真係想听日放假呀。

今晚又去左練拳啦，返到屋企後先發覺只手隱隱痛，真係要練多D先得，最起碼要覺得打椿唔覺得痛，不過唔知要幾多年

後囉。听日又變返正常時間返工啦，返7至4，真係太好啦，唔使4點後一個人傻傻下。

今日學左鋪枱，看冷盤。仲有好多學未學到，好想快D學識，以後可以自己照顧自己，唔使下下問人地。

(彼此要懂得照顧，才算得上真正的友誼。)

14 JULY 2008

今日返到去後咩都要做=.="首先又係基本功夫，做侍應生先。 跟住辛苦既事就開始啦，由於要裝修，所有野都要搬走，

嘩! 辛苦程度好高，都唔知自己返去係做實習生，定係返去做苦力兒。樣樣都要做，收枱、抺抬、抺杯、抺碟、倒垃圾，樣樣都要

做，好似返去做雜工咁。咁既日子有排捱，我宜家先做左六日，幾時先做夠九十日呢? 宜家連十分一都未到，真係想時間過得快D

身體已經唔听使啦，成日覺得暈陀陀咁，都唔知身體有冇事=.=" 搵個機會去睇下E生先。 不過我呢個人唔好話去睇E生，就連提E

生呢個字我都覺得驚。我仲要返多四日先有一日假放，諗起以前讀書既時候，一個星期有兩日放，又少野做真係好幸福，不過可惜

自己唔識得珍惜啦，搞成咁先知道讀書係幾咁重要。假如有一身好成績，出來打份工就唔使咁辛苦啦! 等到出來做野先後悔以前有

咁好既機會都唔珍惜，真係一失足成千古恨。希望各位讀書既朋友真係要好好珍惜機會唔好俾自己後悔。

格言(珍惜現在擁有的，比以前失去的更重要。)

13 JULY 2008

開始有少少習慣返工既時間, 不過精神就冇變都係咁差, 企企下都想暈, 希望過多兩三日就會慢慢好轉. 

原來我真係得三分鐘熱度, 做每件事都好快感到煩厭, 就好似今次咁, 返工返左四日就覺得好厭啦, 不過我會努力既, 希望大家都支持

我啦. 回報下今日行程先, 今日學左睇冷熱盆, 任務就係負責加返缺少既食物或者係飲品.  每日都會有不同的事要學, 有時做錯事係

難免的, 所以俾人鬧幾句都算啦. 因為星期二, 三要裝修咖啡听, 所以好多野都要搬走, 搬去第二間房頂住先. 今日就要準備啦, 所以

今日我都幫手搬左好多野, 好攰, 真係好攰. 听日仲有更加多既野要搬, 我諗一定會好慘. 今晚要早D訓, 听日要食飽D, 預備當勞工.

格言 (1%的努力, 再加99%的幸運才是真正的贏家)

　12 JULY 2008 紅雨

頭暈暈, 頭暈暈. 雙眼掙不開. 後補 : (7月11日) 今日終於見到資深經理啦, 以為會應驗預言, 我會傷痕累累, 俾人丙一

身. 誰不知, 一一見個經理, 唔使問我同佢會好快就變左朋友, 果然冇錯, 第一日見面就已經係朋友. 鬧都冇鬧過, 之前真

係俾D人嚇死, 睇來真係有天使卷顧我 比起之前今日返工就冇咁攰啦, 不過都係冇乜精神. 搞到自己頭腦脹脹, 胡言亂

語, 最終都係衰左, 衝口而出答應左一件十分不願意的事, 不停搵借口推但係又諗唔到用咩借口好, 最後諗住係放工果陣打

俾佢地話唔去啦, 點知佢地咁有"誠意"係門口等我. 最後都係跟左佢地去, 就係去左學拳啦. 人生第一次學拳, 又好奇又緊

張又害怕, 見師父師兄後, 係咁E介紹完後就開始教基本功, 你咪話, 原來真係好辛苦架, 返左一日工已經死死下, 宜家仲

要加多兩錢, 你話死唔死得. 緊係唔會啦, 不過就累到仈左係到, 攞野翹我都唔郁. 內容大概係咁, 細節記唔起啦.

今日, 起身起遲左五分鐘, 不過冇相干, 返工都係唔會遲到. 不過返工後就有好大分別啦, 比之前攰左超多超多超多呀!

雙手因練功搞到傷左, 雙腳就一向都係攰到就斷架啦. 宜家真係"打工仔, 打成世, 搵個錢都唔夠買山拜" 黑仔事件又有, 返

工第四日姐, 就紅雨啦, 仲以為自己係中學生, 唔使返學好開心. 點知家陣係受人二分四, 冇得自己理, 真係苦命兒. "竹

本"兒一個, 明知咁大雨, 仲著長褲出門加把爛遮, 搞到未到公司已全身濕透. 衫褲鞋袜到收工都仲未乾. 唉, 真係"春天下

的兩條虫" 蠢....

今日學既野俾之前多出預計, 估唔到一下子就要我記咁多野, 講真我真係記唔到呀! 放過我啦. 听日返去一定好辛苦, 因

為我已經摸清門路, 好多野都要靠自己去做, 再冇人幫我架啦, 担担抬抬, 一個人包曬. 真係想一世都係初哥, 永遠有人鍚,

有人幫唔使慌, 唔使記咁多野, 又唔會忙, 真係一世幸福 

格言 (無論環境幾惡劣, 都要努力找出活路, 不要待在一旁只懂得哭.)

11 JULY 2008

我的預言果然冇錯，今日真係冇落雨啦。

今日停筆一天，十分彼累，欲知何事，明天請留意。

格言(衝口而出的說話可能會令你後悔一生，所以切記凡事必須三思才行。)