返工既日子幾時先過 成日都要咁早起身 真係人都癲
我完全想像唔到 當我畢業之後 無得再返學
要一直返工返工同返工既日子會係點

今日係Office無人同我打機 好悶
仲要我享受緊我唔洗做野既生活 突然有野做 真係sad sad地
其實點解D工作可以keep住24小時都有架呢
會唔會有空檔期架呢 (其實我已經打機打到人都癲啦)

lunch食左蛋黃哥既朋友 點解可以畫到佢咁樣衰架

由於我周身攰既關係 我以超慢速既步伐行走
成日都周身唔舒服 周小姐 你真係好虛呀
唔知點解真係好鍾意行千色既珍品位
因為真係好多野睇 D公仔又要好得意 行極都唔厭

沙嗲王好多人 但心情好可以慢慢等
有個大肚婆好鬼死有趣 喪鬧完個waitress都算
仲要大大聲話「我一定會告你歧視大肚婆」
大肚真係大哂咩 真心鄧你第時個B擔心 應該又係新世代怪獸家長

上到去好多寵物小精靈 好興奮
我好想要D waitors身上掛住既個秋公仔

↑ 張menu真係好得意 勁大隻比卡超

↑ 無錯 我係一個可以連menu都影餐飽既人黎 最難得既係 有呀B幫我影相

其實當個飯一黎到既時候 我地都有同一個感覺
「咦 D豬扒呢」 最後發現原來係係D飯入面
搞到我仲開頭咁擔心碟飯好大 食唔哂tim

我覺得我全程都似係係道玩食物多D 影到2046都未捨得食
雖然隻野個樣比我想像心樣衰少少 但整體都唔差既

仲要每叫一款野食就有一個精靈球送 5個 開心死
有時食下呢D主題既野真係好正
有人話有拖拍真好 好既原因係係因為我姐 知嗎(?)
[唔好打我 我不嬲都自大開架啦]

其實有人同我一樣咁興奮 但睇黎佢已經因為太肚餓所以好快就起筷
次次食親D可愛D既野食 我都覺得食佢個個人好殘忍
佢比我想像中好食 開頭其實有D驚係伏黎

我直覺話我知 我再成日係道食野飲D cream就會肥到變做一個大波波
但係呢D cream真心好好食呀ma
杯野隻公仔好得意 但係如果係用返最原始既小火龍同車厘龜就好啦
我都係比較鍾意以前個4隻主角多D 依家個D我真心唔係好識

D野食永遠都係比人用黎惡搞 陰公
但係唔玩埋一份又有少少對唔住自己wo

我好想食軟殼蟹 但自己一個食又唔過癮
但最後叫左饅頭都係差唔多自己食哂 (笑喊...
呀B會唔會覺得我好大食架(?)

有人話想請我食飯 幾時請我食大餐呀(?)

其實好想鑽入去影相 但係驚比呀B歧視 所以我最後放棄左
D紀念品好可愛呀 點解依排興親既野都係黃色既
Minions + 蛋黃哥 + 比卡超 全部都係黃色

搞到我突破醒起 之前ocamp我係黃組 會唔會興起埋我架

好想買鞋呀 難得去左愉景新城 但好似唔係好睇得岩
有人好似無乜心機陪我睇咁

有人話鍾意係愉景新城影相wo 好啦 陪下你
btw 唔好再FF咩將來你個樣會愈黎愈後生 我會愈黎愈殘 愈黎愈老啦
我係絕對絕對絕對唔會比依件事發生架

我發現我會好在意你同邊D去過邊D地方 做過D咩點解既

↑ 佢係一隻獅子 老虎 武松 OK (?)

我都係鍾意成熟既BB 多過發癲既BB
但我發現我癲個陣你好攰 你癲個陣我好攰
我地幾時先會岩返timing 2個一齊癲 但唔好2個一齊攰

依幾日你都好攰咁送我返屋企
其實我真係可以自己返架 我take care到自己架
你早D返去洗白白 訓教啦

其實要草齊一set都真係幾難 都唔知要食幾多個北卡超飯先夠

何小朋友 做人要有愛心 唔可以成日都咁惡死 咁暴燥
你心情好 心地好 我又會心情好 之後2個都會開心D 知嗎(?)