返埋今日又放假 好爽皮呀
依家日日都好努力咁係道刷13號機
係公司都一道做野一道刷 我真係完全上哂腦啦
個個都抽到初號機啦 但我咩都抽唔到

本來諗住今日放工會有人接 但最後有人訓到成4點幾5點先起身
呀生 你長眠左成14,15個鐘呀 好羨慕
我想搵一日訓耐少少既都無 最嘆係你啦

放工過荃灣搵豬仔 次次見到你企定定係我我都會好開心
(但原因不明...) 終於換到mon貼
我依家先知原來玻璃mon貼已經進化到有花既階段
可能依D就係用iphone既好處 個sales仲要勁好人
而我舊個塊 竟然一meet就碎哂睇黎真係爛得幾嚴重

換到mon貼又買到叉電線 仲要2樣係粉紅色正
連埋我個粉紅色既奶媽 完全係絕配

去荃廣食魚 (原來對呀B黎講係我地一齊發掘既一間好珍貴既餐廳)
點知太多人最後去左和屋食日本野 平平地 都唔錯既

食飽飽就返象山啦 我發現矇矇見親我都會好興奮
其實佢係咪一直都好想我比隻XO佢玩呢
死啦 你咁痴我 你老豆會呷醋 仲自動行埋黎做我個枕頭

好攰 攰到有燥左 其實我都知話人煩係好嚴重既罪名黎
因為我次次聽到都會好傷心 但慣左有咩就直接講 我就講左啦 Sorry
但見到你走個陣都唔叫我 就up住up住啦 (無錯 女人係好煩既動物 依點我絕對認同)
其實我好努力唔做喊包架 但係你成日都引人喊 好過份呀
都唔知點解會死咕咕落返樓 0n框框咁去買涼茶 行去車站

其實有時我覺得自己咁情緒化都幾黑人憎 點解你會頂得順

♥♥♥♥♥2015年8月6日♥♥♥♥♥

放假既日子永遠係最正既 因為可以訓晏D
今日有人返夜 晨咁早就買左個M記過黎搵朕 好抵錫
但其實我未訓夠你到底係電話聽我發癲聽左幾耐(?)
次次上黎都想霸我張床 好過份呀
點解可以成晚都無訓 仲咁有精力 係咪傻架[1]

↑ 十年都唔食一次既熱香餅餐 真係飽到一個點

食飽頂唔順 又再訓過 完全無溫書既意慾 點算好
如果可以 我真係好想訓足24小時
我已經日日係道計下我要撐多幾多日先可以訓到自然醒
最後結論係下星期六[1]
溫下訓下 溫下呆下 仲要比個衰人霸住我張床
我是多麼可悲的小女孩 仲比人發現左我同我細佬有路

西九既北京拉面下午茶真係好抵食 但其實我好想食銀絲卷
有人出左糧 好man咁啤住我個銀包: 收返埋佢
仲話請女朋友食野係天經地道 (笑喊...

打左個令的返KPC 考試前有禮物收

↑ 真係好似CHY呀救命

其實份卷呢 我就真係唔係好識既
特別係D要背野既問題呢 我真係完完全全亂咁吹
希望合格 希望唔會爛grade啦我知錯啦 我會比心機讀書架啦

考完食正野獎勵自己是常識吧

平日Teawood唔多人真係好 好少可夜晚一上到去就有位坐
隔離個台既age range好好少 大既似大學畢左業 細既似小學生
但係佢地又唔係一家人黎架wo 好似係朋友 又好似係校友咁
對面個台呢 就高矮肥瘦既衣著style好似 (又係道欣賞人生百態咁...)

點解一間餐廳可以無哂碗都有既
何珊珊唔係你想食 我係唔會食古古力架 睇下我對你幾好

次次都係我切 你真係好懶 隔離台個男仔會切比女朋友 好gentleman呀
我呀B去左邊呀(?)快D沖過黎幫我切野

比人影低左我偷食個樣

↑ 偷食甜品幸福既樣子 (我依個變態自己J左自己張相好耐...)
點解可以show哂個滿足樣出黎 (笑喊...

返埋聽日又放假...

過埋聽日又可以見到親愛既豬仔...

聽日又要早起身換minions啦 最後一期終於出Bob Bob
(其實唔係何珊珊提我 我真係唔記得左)