終於又星期五啦 依排星期五既例行公事
就係去買麥當勞早餐食 為左我既小小兵
得閒肥少少都無所謂 (其實好有所謂...

個個去哂開會 又係我放蹤既時候 做project做到傻
鬼叫我前幾日掛住睇國王遊戲唔做野咩

放工當然又係第1時間去搵我隻豬啦
我竟然又可以係南豐行成個鐘
原來荃灣間MyPrincess同旺角個間相差好遠

同細姑媽食麻辣 我依家食辣好勁架
返象山再買雪糕食 同矇矇係床發癲是多麼幸福的事

唔好成日用你D雪糕引誘我好冇呀(?)
好想食小麥麥個minions雪糕呀

有咩就要坦白同呀B講 次次3兆3冒住呀B唔開心
但係有人又鍾意wo 我諗你一定有自虐既傾向

♥♥♥♥♥2015年7月25日♥♥♥♥♥

好難得可以訓到成1點先起身
如果唔係個個可惡既美容電話 我諗我仲可以訓晏D

屋企個電話壞左 最後要問周麟借 2點幾做project做到5點幾
呀B係wtsapp問親我「做緊咩」 我都係答佢「功課」
成件事好似好可悲咁

見放假咁得閒 化返呀B夢寐以求既相個look佢睇

其實化完我自己都唔係好認到自己
但無可否認 係同之前個妝係一樣樣架

次次化到咁出街都唔想抬高頭做人
如果唔係為左比人望下我絕對唔會再咁化
結果出到去 比人話我老左 又比人話對眼大得恐怖
最後就拿拿臨去左買卸妝水同棉花棒落左佢

無左D假毛毛隻眼即刻舒服左 無咁重

去左添記食豬扒湯飯 都唔明點解我會咁迷湯飯依樣野
再去左荃灣廣場新開間Lucullus Chocolate Cafe試Luxury Hot Chocolate

↑個名叫做軟棉棉朱古力原來真係有好多棉(花糖)
好濃仁棉花糖好好味 有人隻眼紅到變左蕃茄
p.s. 我始終都唔相信我D眼藥水會令你敏感架

返象山 再去左後樓梯玩自閉
周凱盈唔好成日成個喊包咁得唔得呀(?)
無計啦 太緊張太在乎先會咁
結果次次都係要人氹臭屁孩

------------------------------------------------------------------------------------------------------------------------

------------------------------------------------------------------------------------------------------------------------

♥♥♥♥♥2015年7月26日♥♥♥♥♥

10點起身去學琴 好眼訓好眼訓好眼訓
今日係周氏大家去飲茶既日子
因為周麟第一次出糧 仲比500蚊請飲茶

8個人食25碟野算唔算過份呢(?) 好飽好滿足 最後埋單630蚊

呀B返工 返屋企訓左個晏教先再出去
今日紮左個孖辮頭 其實好驚又比呀B話唔好睇
但原來有人有嚐好 鍾意睇人帶頭飾

入大圍搵呀B娘親之前 要買D野食醫下肚
2個人買左1個pancake 1個雞蛋仔
最後仲終於食到我想食好耐既minions

平時食雪糕覺得芒果味麻麻地 但依個好好味
唔知係咪因為係呀Bob既關係
但有人睇得出我一定會keep起佢張雪糕紙
其實有時都覺得呀B係默默觀察我既一舉一動 默默地了解緊我
無錯 我唔發脾氣係幾可愛架 但係發脾氣都好可愛 (唔好打我...)

幫呀B媽媽看左陣鋪 其實2個都係默默咁玩緊彈珠
如果真係指望我地看鋪 應該好快就會比人偷哂D野

↑有人話張相似我地2個自己開鋪 要睇住盤生意咁 (笑喊...

係荃灣過大圍 再由大圍過返荃灣食七哥
第一次食個道既咖哩牛腩飯小辣
又話唔辣既 我覺得辣既雖然我依家食辣勁左
有人聽日放假 可以送我返屋企

♥♥♥♥♥2015年7月27日♥♥♥♥♥

點解咁快又星期一 又要撐成個星期先可以放假啦
話就話星期五請左SL去覆診 返4日就得姐

依排除左星期五要去M記換minions之外
已經返工食左成個星期既沙律 好好味

全日都坐左係道做project 只係得閒交下野咁就算
計數計到頭都漲埋 眼都花埋 救命
快D聽日pre完去溫書考試算啦

有人成隻豬咁訓過龍
之後仲要話我成日破壞佢既驚喜 你扮下野唔得既
今日有人放假黎左接我放工 好開心好開心
成日覺得有人攬住護住行係一件好溫馨既事黎

返荃灣接小矇矇返屋企 你洗完白白好香噴噴
但你會唔會過度興奮呢 係咁望住出門D車 成個小朋友咁

成日以為有公仔玩 所以好乖咁坐係道 唔好扮野啦
點解你可以成隻熊仔咁

本來接完小矇仔就去期待已久巴葵芳掃街
但中途轉左行程去沙田搵細姑媽
唔緊要啦 橫掂我覺得呀B返工又係葵芳 放假又係葵芳 好似有D白痴
所以都係搵一日呀B放工先去會抵D 起碼車錢都慳返

↑胃食孖寶又食雪糕啦 2個一齊變波波都似 (其實我已經係一個波波)

唔知點解我有陣時真係唔係太鍾意聽電話
對住一D長輩會驚 會怯 所以如無必要 都係唔好啦 怕怕
唔知我地會唔會真係因為怪物彈殊而嘈大交呢
但就咁諗 成件事都好弱智好低能 說好的成熟呢(?)

個商場好多野睇 仲好多野食 好多野都好吸引
唔小心整親呀BSorry
好驚你會因為咁樣而唔再理我

↑住家飯系列: 叉燒臘腸蒸飯 洋蔥煎豬扒 生菜

我諗我係一D會見死不救既大壞蛋黎
即係有人眼痕 但隻手唔方便 我淨係會係隔離爆笑個D死曲街黎

巴士有條友係咁喊係咁講電話 好得人驚
借D而鑽入呀B道等車要攬 坐車都要攬
一諗到黎緊幾日無得見就有D唔開心
我發現我地2個坐81多左個活動 就係經過馬騮山睇馬騮

我記得架 某人話坐81可以由遠D行返我屋企 可以見耐D
2個又再一次雞啄唔斷咁喪講野
點解明明日日見我地都咁多口水 真係不解

你返工唔好掛住睇閃電俠唔應我機呀 知嗎(?)

希望快D星期五...