朝早做左陣project 之後就坐左係道睇國王遊戲
好恐怖  好變態 但又好正
如果真係有動漫同真人版 我諗我應該都會去睇
一日就追哂成輯 我真係好叻叻豬

放學去左兆萬搵奇怪朋友買野
一入到去就聽到「仲咩咁耐唔搵我 我巧想你唷」 笑

點解你隻狗狗可以咁可愛 仲會自己跳上黎
我都好想養狗 我就黎拐矇矇去自己屋企

上堂食野是常識 今日Gary好早就放
原來有人諗住黎接我放學 比驚喜我 但最後都無左啦
但本來諗住無得見 變左有得見都係驚喜黎既
我仲唔9秒9狗衝去搵你咩 仲要帶埋好好味既生煎包
雖然最後凍左但有人一野就咬左成個包
結論: 我發現呀B個口好大

食雲貴香 竟然見到小新同江小姐

我又成功挑戰左食小小辣 但今次食完個肚都無暖笠笠既感覺既

呀B有時其實都幾孝順仔既 但有時又百厭左少少
真心 我對於D乜乜聯盟真係0知識
結果就出現左一埋無營養既對話↓

岩岩同何生討論緊復仇者聯盟...
佢：人地蜘蛛俠都第三代 電影仲做緊後生既時候
我：下 （心諗：演員轉左人？無所謂啦 我都唔識分外國人啲樣）即係點？
佢：第一代個蜘蛛俠一早死左啦
我：（心諗：下 個演員死左？）
佢：佢有一次係救美國隊長...有次....（我唔記得左）
（最後我發現原來佢講緊漫畫）
我：咁有漫畫先定電影先
佢：漫畫
我：咁佢地係有自傳先 定有復仇者聯盟先
佢：（解釋...）
我：美國隊長 American...
佢：咩呀 captain America
我：我岩岩差啲講左American chicken
佢：咩chicken呀
我：美國雞...
我：咁蜘蛛俠都係復仇者聯盟
佢：係
我：咁蝙蝠俠都係呀？
佢：佢係正義聯盟
我：下 我一直以為佢地係同類 都係蟲黎架嘛
佢：咁譚子健同譚詠麟相唔相同呀？
我：um...都係姓譚...都係鐘意唱歌..都係咁老
佢：你岩 咁何鴻燊同何文傑又係咪相同呀？
我：都係姓何 但何鴻燊拎哂何文傑啲錢 所以何鴻燊好有錢 何文傑好窮
何：你終於知道依個事實
我：咁復仇者聯盟同英雄聯盟有咩分別？
佢：英雄聯盟？遊戲黎架wo （pk 聽得太多lol)
我：即係蜘蛛俠係復仇者聯盟 蝙蝠俠係正義聯盟
佢：係...
我：咁超人特攻隊呢？
佢：....er...
我：係Disney 😐
佢：頂...
我：（講左陣超人特攻隊..）
我：咁超人呢？
佢：正義聯盟
我：迪加wo （認真mode)
佢：你玩野呀 你唔問埋貶面超人？
我：（心諗：你又岩wo...）
佢：一個美國 一個日本 玩野呀？
我：係咪即係superman （個腦其實仲load緊超人迪加個樣）
佢：係呀
我：咁佢地有咩分別？呀....超人著紅底底既...唔係wo...迪加都有紅底底...
佢：....你知唔知超人迪加係咩黎？
我：人囉
佢：咩呀 外星人黎 你睇但唔知人地點黎 有無搞錯呀
我：咩呀 佢明明係地球人
佢：係啲外星人黎左地球 比左啲能量出黎
我：下 我以為佢有變身器就變到身
佢：個變身器咪係囉
我：咁都係人呀 呀 唔怪怪得次次打完怪物佢都上宇宙啦
佢：係 所以我研究過條友點落返黎地球...

係車睇漫畫睇到驚 最後係唔敢自己上樓梯既
好驚發惡夢 但又好想睇埋佢 點算好(?)