無得見呀B既日子真係比較悶同寂寞

馬桶糖真係好核突 好似爆屎渠咁

由於返埋今日就放3日既關係 今日係hea做既
(其實日日都係hea做)
我發現我既工作效率既好壞係由我自己既心情去決定
平時好準時走既我 今日竟然為左整dancesoc野 OT多左9個字
雖然唔算得係D咩 但對於我自己黎講感覺良好
可以係咁短時間砌到個表出黎真係好有成功感

聽日終於可以見到小B啦...

♥♥♥♥♥2015年7月31日♥♥♥♥♥

今日覆診 請左一日SL

有個傻仔因為我玩野話「唔好嘈醒我」 結果真係唔叫我起身
好彩我自己搞左鬧鍾姐 如果唔係 你咪真係要係樓下等幾個鐘
你肯我都唔肯下次唔好咁蠢啦...

有人陪我一齊食M記早餐 好開心
雖然對小小兵既熱情已經降低左 但係依然好有決心要草夠一套

豬仔 叫左你訓架啦 係都唔聽
話左我張床舒服過你個張架啦 問你服未[1]
訓到成隻死豬咁 你親愛既女朋友我晚晚就係享受緊咁皇帝級既享受 羨慕(?)

其實你返完夜仲要陪我睇醫生 真係好傷架
所以我真係有諗過由得你訓 我自己去睇完先返黎拍醒你

↑以前就呀公呀婆陪我覆診 之後次次都係自己 到依家有個呀叔陪
其實我諗無論我去到邊一道 依位呀叔都會擔心我
例如唔知比邊D黑人撩 比變態呀叔望咁
最好就24小時係我隔離睇住我

12點睇完 神速返左象山 呀B終於有得訓
自己係隔離彈珠 訓下彈下咁

送呀B去葵芳 好開心有人肯陪我逼去買窩夫棒棒
士多啤梨味真係好正 好想食多次

18蚊對我黎講唔算好貴 仲要好鬼死好食 抵

呀B返夜 我就叔屋企呆陣 再同肥佬肥媽撐台腳

大快活D野真係幾好食既 唔錯唔錯
今日終於買到條吊帶裙 但完全未諗到點襯

↑藍月亮之夜 唔怪得個月亮咁月咁光啦

♥♥♥♥♥2015年8月1日♥♥♥♥♥

今日一早去左搵呀B食早餐 終於可以見返耐D既時間
次次都係為左想見你多D 所以早起
有人掛住打機死都唔訓教 好過份

有人彈彈下珠拎住部機訓左著 好好笑
我竟然仲會幫佢洗水蝶運 你話呀
有個會同你一齊打機既女朋友你話幾好呢[1]
衰仔包仲要唔搞鬧鐘 真係諗住射波唔返呀(?)
無錯 我係請假達人 要請假一定要請連放既假 (好奸...)

又係送BB去葵芳既時候 我好想行街呀
好想買衫呀 你幾時先肯陪我去買衫掃貨 幫我拎戰利品

有人出左更表 緊係要整令令我本schedule啦

♥♥♥♥♥2015年8月2日♥♥♥♥♥

今日學完琴 就神速飛左去象山
但有人訓死左 所以拍門入屋算
係隔離訓下又玩下彈珠 1點呆到5點15分 有人終於起身

過葵芳黎左個小小小小小小型掃街
pancake比我想像中唔好食 我諗下次都係叫返甜既會好D

有人話星期日可以遲到 所以可以慢慢食
雖然我個人就唔主張返工遲到既
但我依D返工日日都遲既人都無咩資格話佢 (笑喊...

返屋企比個p_女人一野撞落黎 成部手機又飛墜落地下
仲要mon面直落 條友仲要一句對唔住都無
頭都無回咁走左去 真係好想捉住佢黎鬧
我諗如果呀B係道 佢一定_哂鬼
都唔知係咪跟得你多 連我都易燥底左 (咩都賴哂落你道架啦...

國王遊戲電影版一D都唔好睇既 等我仲自己驚左咁耐
如果無睇過漫畫 我諗真係會唔明佢講咩

有人返埋今晚 就連放3日假啦 我就連放3日完啦 好羨慕

本人表示聽日要見到條粉皮 心情極之不爽

聽日終於可以去睇蛋黃哥