琴日食完比卡超 就要計劃下去睇傻豹啦

話咁快又星期五 時間原來真係過得好快
其實全日坐係道打機都真係幾寫意
但我發現依排好似多返少少野做咁 sad sad豬
星期一又要坐主席室 又要handover 煩

又嘈交 [但其實真係好小好小好小事]

點解你會搵到我架 我只係見到個細路訓街
同埋個男人衣著奇特先影比你睇

其實有時都唔明既 明明嬲緊 又會去買野食比你食
仲要成個師奶咁拎住3個膠袋1個鐘
而個重點係 都唔知你會唔會黎搵我

終於試食左個間Kiss Ice Cream 松露朱古力雪糕
其實我唔係太好朱古力 我又真係唔係好明點解佢咁吸引人wo
有人竟然話同我掃街 omg 好興奮

返荃灣發現蛋黃哥既杯緣子出左 諗到唔洗諗就扭左
又話你成日會扭到人地想要既野既
點解你扭到隻我最唔想要既款架(?)
好彩我都唔汁輸自己扭過隻姐 但30蚊一次真係有D貴

有人食完又食咁去左搵Auntie食野

仲咩成日咁攰都送我返屋企姐 但係你自己又係道訓教wo快D返歸啦

-------------------------------------------------------------------------------------------

↓ 琴日有人話我同依隻豬一樣樣

♥♥♥♥♥2015年8月15日♥♥♥♥♥

終於可以唔洗早起身 但由於我太毒既關係
我係搞左鬧鐘起身打水超 當然 最後係失敗左
係張床呆下呆下 完全唔想起身

唔知點解今日一起身就好想食壽司
最後 係我依個扭計祖宗既英明領導下
本娘係帶左朕去食元氣

其實唔係真係食好多野 但我又真心飽左 唔通我細食左

食野又點少得玩下蛋黃哥BB 你個樣可唔可以唔好咁懶呀(?)

食飽飽就返左學校交學費 都唔明點解 其他野又唔見學校準時
叫人交學費呢 永遠就最準時既

好似好耐無試過自己行街 但其實成日等呀B個陣都係自己行
好想好想買野 但我又真係睇唔岩有D咩可以買
坐車返屋企之際 竟然比我撞到多年不見既Ramsey
我開頭真係以為有個傻既衝埋黎因為我太專心打機啦
Long Time No See 但我估唔到既係
你見到我好似見到明星咁 勁興奮 仲要同我影相留念

其實我真係已經無乜同邊個中同有聯繫
有時會諗 佢地仲記唔記得我 所以你個反應令到我好surprise
唔好介意我唔記得某D人既名 要load一陣
因為我真係有幾年無接觸過依一班OLR既ladies
btw 其實我都好想有人會記得我 約下我gathering

返屋企拎完野 又再出荃灣搵豬仔
今日真係好口痕 食完一樣又想食第二樣
所以請原諒我忍唔住買左個cupcake

↑ 升級版係咪會令D架 我係因為隻蜜蜂仔先揀依隻
因為真係真係真係真係好得意呀

等2位男士吹完水 就出發去沙田啦
仲要2位小毒毒一齊係道打八歧 omg
好辛苦咁 終於比我得到啦呀~~~
但一邊食飯一邊打機 真係有D失禮 深感抱歉

↑ 有人話好鍾意食住家飯 最後人地細姑媽就煮左住家飯啦
你睇下你幾幸福 仲要有咁多送 食肥你都似

你仲咩成日都唔訓教 搞到次次同我坐車都訓教啦
雖然我都係係道打機姐 但係你咁訓法 邊個同我一齊坐巴士睇馬騮
(雖然今日自己睇 一隻都唔見到姐)

♥♥♥♥♥2015年8月16日♥♥♥♥♥

又係一個要一早起身去學琴既日子
學完仲比人拉左去睇醫生 我都知你地緊張我架啦
食完個lunch 就返屋企等夠鍾通淋巴

原來2個鐘係咁貴 原來我之前係推開個半鐘
但我嘆嘆下原來已經2個鐘 時間過得真係快

同呀B去美食節 我話左要豪食架
夜晚原來真係唔係好多人
但有D受歡迎既鋪頭依然好多人
而我見到咁多人就好想縮沙 唔想排 (笑喊...

黎左咁多年 見過咁多次榴槤蓉
但今日真係第1次食一杯 仲要係獨霸
但如果我隔離個個都鍾意食 咁就真係真係真係perfect啦

我永遠都覺得生蠔同我一D關係都無
無話唔鍾意食 但又無話特別愛好
但對於自己第1次買生蠔食 都係一件值得寫低既事
100蚊3隻 2隻係澳洲既 1隻好似係德國既

今年無乜點買戰利品 就算有既 都全數食左落肚啦
加上我隔離有個好好好好好好眼訓既人士係道
我都唔好意思行耐D辛苦哂

♥♥♥♥♥2015年8月17日♥♥♥♥♥

星期一永遠都係咁討厭 媽 我唔想返工呀
坐主席室坐左一日 完全係無時間停
機都無時間打 wtsapp又無時間覆 好快就過左一日

今日lunch好豐富 終於食到burger
前個2次 1次就喉嚨痛 1次就sick leave左
所以今次諗都唔洗諗食咩餐 就burger啦

超級好食 D waitors仲要幾後生 幾令仔 (我應該會比呀B打死)
4個人有3個人係道玩彈珠 我地幾時先可以將D毒氣攻陷埋Irene呢

放工返屋企食飯 一返到去就攤左係道唔想郁
我承認我真係好懶好懶好懶
住家飯永遠都係咁正 我仲會好例牌咁影相引誘下呀B
(其實次次食飯都會影)
仲要有西瓜食 好正呀

畫畫依家野真係好睇心情 突然想油顏色就油架啦

盒顏色都唔知放左係道幾耐 係之前讀Art買既
之後有諗過送比(粉皮)個妹 但最後唔捨得都係keep起左
今日我終於令到佢重見天日啦 但唔見左枝水筆囉

一道睇電視一道油一道打機一道wtsapp 一心四用得好過份

其實我懷疑 Secret Garden咁受歡迎既其中一個原因
係無論你既藝術細胞幾差都好 你亂咁油都唔會核突得去邊

油到膊頭痛 最後又3分鐘熱度咁收野 唔畫 轉行打機

唔知點解夜晚既心情灰灰地 可能更年期啦