Happy Birthday to 鍾子

因為清假既關係 今日返半日就放假啦
其實點解我會睇住呀B豬既假黎請假架呢
有無覺得我依個女朋友好唔話得 連你off既日子都煩住你

永遠有人黎上環接放工都係開心既
但2個白痴掛住打機 最後上左架要行好很遠路既巴士
結果係九龍塘曬到變燒豬既情況下 行到去又一城
我都話我識路架啦 你又唔信

第一站: Create Your Taste @ Mcdonald
自己揀其實都幾好玩既 但係望住D圖我又唔知邊D好味wo

有人話個包好假 (笑喊...
個扒好好食 如果D薯仔係粗薯條就perfect啦

↑ 我正一係個變態黎 要人影我食野個樣

食飽飽行陣街 消化下 突然見到Fueki有隻咁既樣
就沖左埋去影相 但其實我完全唔知依隻係咩黎
淨係知佢同Melody係好朋友 因為佢地D野放埋一齊賣

玩具反斗城無野行

第二站: 傻豹@Festival Walk
其實今日黎既目的就係睇傻豹 但係佢比我想像中少野睇
可以話係一眼睇哂 仲要有得影相既公仔得個幾隻 有點兒失望

點解要封哂D area唔比人入wo 我唔入去又點影相呢

有人明明話想睇粉紅色既傻豹 但最後自己唔肯影相a_a我就不惜一切都要影

行完又一城就坐車出尖沙咀 巴士個apps真係準架
只係我岩岩hand左機咋

第三站: Norayo K-Street @ Tsim Sha Tsui

依個係一個即興既活動 但係個地址真係有少少fake人 搵極都搵唔到
好大枝 凍到一個點 但又真係幾消暑既

第四站: iSQUARE @ Tsim Sha Tsui

本來純粹諗住黎搵鍾子同呀嵐 點知到步發現佢地已經走左去第2道
最後同呀B兩個自己周圍遊 其實我都曾經鍾意過B-Duck
今日到底同左幾多公仔影相呢

7點9係佐敦等 2個人早到左 結果我係地鐵月台訓死左
等埋肥B 齊人就上去搵埋壽星人

其實真係唔係好想甩到某粉皮同某仆叉粉皮= =
仲要情侶衫 真係完完全全唔知想點
其實呢 我就唔歧視同性戀既 但我好歧視你地

第五站: 大喜家 @ 佐敦

對我而言 依一餐飯多左D閒雜人等真係唔係太舒服
anyway Happy Bithday to 鍾子

其實我真係覺得自己好有舒意 3眼仔變大眼仔

^{♥♥♥♥♥2015年8月21日♥♥♥♥♥}

終於出左上個sem既result啦
strategic mgt. 竟然都有個B+ 完全唔知自己個陣份卷寫過D咩黎

今日係公司都係打下機 呆下
放工去左搵呀B 同細姑媽一齊食雲貴軒
簡簡單單又一餐 我又愈黎愈肥啦

♥♥♥♥♥2015年8月22日♥♥♥♥♥

終於可以訓到自然醒 完全唔想起身
去左睇醫生 再返屋企自己煮左個公仔麵食 最後又攤返係道

7點幾去左搵呀B 依件已經成為例行公事
有人知我依排壓力大 搞到身體差哂 話唔想我唔開心
係愉景發現左間新開左間叫FullHouse既cafe

↑ 依杯野叫「朱古力唔知咩」 但估唔到既係佢英文係Banana Chocolate
結果我一句話想飲 搞到有人中左伏
其實成杯野最正既只係佢上面既cream

2個白痴係道發癲 但同時我又一直都愁緊
有人為左我去買D平時唔會買既野 好滾動

一邊等呀B媽一邊hea 再一次既雲貴軒 又係食同一款既麵
係象山又黎左一個突破啦[t]
有時有D野 真係唔係個個都願意做
我依D擔小鬼 又驚依樣 又驚個樣
如果無左隔離個白痴 我有好多野都唔會咁淡定

♥♥♥♥♥2015年8月23日♥♥♥♥♥

一早起身學完琴 之後就去左食殺你媽
唔知點解次次未食個陣都好想食
但當D野黎哂既時候又無左個種既意慾

唔知係咪太耐無大教訓既關係 返到屋企又訓左4個鍾
5點幾6點先汁野去搵個肥仔
坐坐下車爆肚痛 仲要標哂冷汗

係機鋪打機等呀B媽 估魚其實都幾好玩既
仲要一道玩一道打月讀
原來有時肥仔都好有原則 唔係佢辛辛苦苦打返黎既會唔會要
如果我係佢既話 我會好羨慕遇上個外掛人 唔洗打
最後4人小隊終於成功戰勝左好正

7哥好好食 咖哩牛腩飯 如果有埋蕃茄湯就真係perfect
所以飲住隔離個D先啦

聽日又要返工

♥♥♥♥♥2015年8月24日♥♥♥♥♥

又係一個漫長既星期一 算啦 返多5日就唔洗再咁早起身返工啦
仲要今日呀Will同Chilam都無返 sosad
Tina話今日係我地同佢食既最後一餐 所以要食好D
最後去左貴格既ABC

完全係飽到一個點 最後連蠔餅都食唔哂
個肚勁脹 連夜晚飯都瞬間唔想食

今日完全唔知咩事 勁多野食

↑ Mandy無啦啦請飲橙汁既同時 AS生日話請飲野
開頭話請食下午茶 嚇到我呆左 勁飽完全唔知點食落肚好
最後話淨係請飲野 一身鬆哂

↑ 好high class既生日蛋糕 好羨慕 做有錢人真係唔同D
但D古力搞到我起哂痰

放工自己遊左陣就去左搵呀B join埋呀B媽 去左Lab Made坐

↑ 其實2個都唔係好吸引我

呀B爸請食飯 唔好食太多 因為我仲未消化完
最後去左食上海野 鹽酥雞粒菜飯 岩岩好

點解你成日都鍾意叫我陪你返象山再坐車架呢[t]

♥♥♥♥♥2015年8月25日♥♥♥♥♥

今日reg科因為一科爆左 搞到我成個sytem kick住左
最後所有科都full哂 個一刻我真係好想喊
之後全日係咁F5 係咁同Sylvia同Tilo講野 最後又成功比我伏到D位wo
點解個個sem都要咁 點解唔可以開多幾個位架姐

今日有人請食farewell lunch 越一

下就仲有個唔知咩東華員工雪糕同樂日

個冧酒提子個酒味濃到呢...唔鍾意

放工去左搵呀B 係M記坐左勁耐 又無野玩
打機又比人偷珠 悶 等左好耐終於見到個肥仔
2條友周圍行 再join埋呀B媽 最後去左食台灣麵
成日都痴餐真係唔好意思

聽朝要賣旗 各位上環既朋友記得得閒黎搵下我啦 [完]