下午約左小江繼續改崇拜演釋稿~~
先回新堂，終於找到《詩篇121》呢首歌啦！
因為今日書院office唔開，無電腦用，所以最後上左樂仔家。
樂仔既表弟、表妹好得意，係我地努力執緊份稿既時候，
佢地2個會入黎，同我地講野，哈哈。
一時就話自己都返過永光，一時就入黎送本飛輪海電話簿比我地。
樂仔好壯，我同小江戴晒頸巾，坐係佢個窗前都話凍，
但樂仔只穿了一件短袖衫，仲話熱......
最後整到7點，真係唔走唔得了，大家都約了自己團的同工吃飯。

樂富門打邊爐，好味道！
晚上，約左Elaine 9點係樂地恆，但8:45pm打電話給她時，她仍在家......
所以我就同埋其他人返新堂先，9:10pm再打，都是在家......
9:40pm才上到車......都唔知佢趕唔趕得切。
上到去Hall越等，就越想留低，可惜今天點都要回家露一露面啊。
最後10:00pm，Elaine終於打黎話到左巴士總站啦。
好彩最後都趕得切咋......
送埋佢返新堂，就自己回家lu~~

今年除夕倒數有煙火睇，但感覺上無乜氣氛者。
今年抽獎，我地全家一份都抽唔到wo，不過唔緊要啦。
年年抽埋d野都無乜用，上年的CD架，前年的香水，
我通通連用都未用過，甚至連花紙都未開，就放進了雜物櫃。
真係好想找一次，將所有未開過，而對我又無咩用既禮物，送晒出去。

今天是老豆仔&媽媽豬 22nd結婚週年紀念日！
2007~~ByeBye