2008年，第一天上學的日子~~
10:30am Rooms
12:30pm Marketing
01:30pm Clubs
Mui又話會返學，結果都係無返......Venus都一樣無返~~
中午Mui先打黎，問係唔係返2:30pm......
無話可話，當時我地已經上緊最後一堂，你返到黎到無用。
昨天明明好清楚將今日上堂時間講晒你聽，
你係要信隔離C班個時間表，我都無你辦法。
不過我可以話你知，我地係B班，唔係C班。
我地班有返我地班自己既時間表，係唔同C班的。
Club堂派Exam既Case Study......我都唔知幫唔幫佢地2個攞好......
阿sir又話要我地幫d無返既friend攞埋，但我考試前都唔會見到佢地2個的了。
唔幫佢地攞，又好似好衰；幫佢地攞，又唔知點比佢地。
明知要返黎攞考試份Case Study架啦，都唔返學，有時候真係唔抵幫......
最後全班都攞晒，無理由唔幫佢地攞架......
放學去LRC做埋份Assignment，Ling落堂都過埋黎一齊做，Good ar~~
做到差唔多時間，Irane返左黎，就將Mui & Venus比晒佢就算了。
5:00pm 同Ling一齊走lu~~
各位同學仔，快d睇Case Study，大家一齊研究研究吧！
晚上，同屋企人去左Island Shangri-La Hotel食Buffet~~
好味！超級好味！最喜愛食......菜，哈哈哈！
無論咩煮法都一樣咁好味，又可以盡情咁食Caesar salad啦！
有人覺得我食菜好蠢，不過我覺得菜又健康又好味。
而且千祈唔好以為做 Caesar salad 既 Romaine lettuce 平，佢細細包都好貴架。
朱sir都話都食Buffet，食返d Romaine lettuce 咩都抵返晒。
仲有好好味既海龍王湯，好味、好味、好好味！
可惜d staff差少少，做果個section既，都唔知果個section擺出黎既係d咩黎既。
特別係 dessert section，問5樣有3樣唔識既。
而 Salad section 就找左個新仔切 Parma Ham，切到碎晒......
其實d staff唔識d菜名唔緊要呀，放 dish card 咪得o羅，
咁樣 guest 又清楚，staff又清楚，兩全其美既方法。
| 
