今日係第二次會一會D網友，

成班又落去M記到食野同打機，

大家一到左都係玩MHP2G，

之後就玩埋其他GAME，

我就5點幾就走左，

之後我返工既時候，

又見到佢地仲係到打緊機，

但今日會落閘大清潔，

無得同佢地傾耐D。

 今日好開心....

因為...第一次同一班網友一齊係M記到打機，

以前都係M記到做果時，

日日都見到有人係到打機，

依家就到我在場係到打，

而且我帶埋6折卡去食M記，

好抵食呀十幾蚊咋，

我由2點半打到6點，

佢地都幾好人，

我過唔到D關卡，

佢地都連線過黎幫我過左去，

唔知下次係幾時又有開團呢?

下次應該要多D人黎，

好似開派對咁，

好多好友黎，

真開心。

琴日有兩個請假，

搞到得5個返工，

只好叫返夜果一個同事頂一頂住，

如果無佢頂一頂住，

朝早都唔知點算。

返到屋企訓到3點幾出街買野食，

落左M記用果張6折卡，

買左個巨無霸餐加大，

返到屋企一路睇碟《六樓后座 2 家屬謝禮!!》，

一路岩岩買返黎既野食，

放假既日子真係想訓多過玩，

當自己係學生就想返工，

返工既時候又好想返學，

所以遲D我9月開學既時候要努力讀書，

因為我已交左第一期學費+留位費，

如果讀晒成年都萬幾蚊，

都要返幾個月工先搵到呀。

今日一放左工就返屋企即訓，

因為下午要去尖沙咀有謝師宴，

大約3點幾約左同學一齊去，

去到果到見到好多同學，

而且好多都化左妝，

搞到我差D唔認得佢，

果到D野食都唔差，

食食下都幾飽，

就開始傾下計、玩下遊戲，

最後影埋相就走啦。

 琴晚我返工就已經去廚房幫手，

而且有同事又請假，

廚房得返兩個人，

所以轉更之後都要超快手起好晒D野，

直到8點幾我先走到，

返到屋企一訓就訓到下午一點幾，

今晚唔知又有幾多人返呢?