今日天氣唔係太好喇！好早已經不斷落雨，令我擔心我返M記既時候，洗唔洗帶雨傘呢?

今日我返通燒班呀，可以係屋企食埋晚飯先出門口。

今日係第二日返工又係第一日返通燒班。

放工囉，我好累呀，由琴日10點工作到今日6點鍾，我就係M記到開通燒洗野、抹野、清潔、執野、整野、收野、拎野、掃野、食野，係間M記到做足8個鍾，雖然客係少，但係工作就好多，又要抹地下、抹窗、抹桌面，仲要抹地面抹足成個場，手都紅晒又痛痛地，差唔多走之前就要抹門口D窗，咁就可以走得啦。

返到屋企都開始見到有陽光出現，咁我都要沖埋涼先訓得，連教會都唔返，訓到成1點幾先起身食野、溫書、打機。

下星期五六再返通燒先，嘿嘿…睇下又有咩做先。

 今日係我第一日返M記，我換好晒衫褲戴埋帽就出去問下經理有咩做，佢話第一日返工就企係門口同客人「歡迎光臨！」或者「再見，歡迎下次光臨！」，咁我企係門口足足粒幾鍾，就叫我抹一抹門口D窗，抹走D指紋，保持清潔。

之後就叫我休息半個鍾，陣間再出黎做其他野，其實做其他野，就係執返D盤同食物走，做到10點半就可以放工啦。之後，返到屋企都唔係太覺得累，只係喉嚨乾乾地，飲左好多水，食埋少少野就訓。

唔知聽日有咩做呢?可能多好多野做，做通燒班啵...清潔班，一定好多野做，努力呀。