今日係胡記中五會考生係學校最後一日上課日子，又係「中五視覺藝術展」既第一日展出各中五修讀視藝既同學作品，星餅就係琴

晚SMS話拎幅水彩畫俾佢，作為展覽既一幅作品，所以七點二十五分就返到學校開始整，整到就快八點正，之後落返去排隊。

今日我地成班同學都好開心上每一堂，因為每過一堂，就係完左老師所教既科目，係中文堂落堂果陣，MISS鍾都教左我地兩年中

文，所以午飯時候請全班食野或飲野，之後係其他課堂都搵阿SIR同MISS影相，影完先俾教書。

食飯時間，我同幾個同學去愉累新城既M記到食野，之後又係到吹多一陣水就返學校有蓋操場，等晒成班同學之後，就一個一個咁

排隊買野食，不過又唔洗自己俾果種，因為MISS鍾請晒全班，咁我一買完都去左一樓同 曾碧 D FD一邊傾計一邊望住曾碧打波，之

後咁岩有 余SIR 路過，我就好心急問電腦D分數，點知佢話另外果半班既MISS仲未搞好D分數，未能知道總成績，我都心唸全班我

都係頭3名，如果唔係全班頭3名都幾慘，因為其他科D分數都好差。

之後，我都去左視藝室睇下有冇人識就同佢影相，點知俾我搵到一個係我識既，我咪搵我同學幫我渣機影幾張相，再返到課室同同

學一齊又影左幾張，上埋多兩堂就班主任堂。

班主任堂老師叫同學去拎蛋糕同野飲上黎，我就同另一位同學去掉報紙，順便去埋廁所，岩岩一返到班房就準備切蛋糕，好多同學

都拎曬D手機同相機，狂影蛋糕同班主任，之後由班長幫我地分蛋糕，每個人都食得好開心，大家食完都各自走人，最後都係由遲

走D同學幫手執野，我就去左一樓睇下工場有冇老師係到，原來工場有音樂練習，我走緊果時，見到 曾碧 係排球場打波，佢都揮手

示意byebye，我都揮手byebye，當我去到3樓校務處外都有少少感動，想哭又哭唔出，有點唔捨得學校既生活，再見胡記中學。

 展覽圖片

蛋糕

５Ｂ相片

 今日帶左一幅畫返黎學校，做明天4月3號開始既畫展，而且這個展係放晒中五有修讀視藝既同學既作品，希望大家多多支持，仲要放係3樓校務處出面，一定個個見到。

午飯既時候，我係荃中食麵又返學生會打康樂棋，打左一場之後，我出到去走廊見到 蕃薯 同一班同學打波，我今日就無同佢地打波呀，因為今日落住少少雨，係咁濕既地方打波，好易整到成個人濕濕地，所以企係走廊睇佢地打波。

我有時間既話都會返黎學校，探一探各位同學既。

放學既時候，我自己先行去到1B搵一搵扭計骰班D人同 蕃薯 ，開頭見大家好似好唔耐煩咁，不過大家都有少少耐性等，最後阿粘同星餅黎到，大家都好乖咁影左張相，等我放一放張相出黎先。

有關足球既短片，非常精彩。

今日返到學校就見到好多同學係天橋到等入學校，不過今日既天氣唔係太好，朝早已經落過雨，所以唔洗早會，就可以自行返到班房，返到班房無幾耐，有代堂老師黎，咁我地成班同學就唸緊今日班主任去左邊呢?如果今日阿SIR無返既話，就唔洗補課囉。

之後，有一個名為叫「薪火相傳」既儀式要進行，是將中五各班既蠟燭上的火送俾中四既蠟燭到，咁就完成成個儀式就有其他班別以拍手送走我地離開禮堂，之後返到班房開始上堂囉，不過第一堂係數學堂，但阿SIR仲未黎到課室上課，由MISS連代堂，我就係到做電腦功課，其他同學都做數學功課。

小息之後，就係兩堂物理，咁長時間一定係對卷，一派左卷之後個個都叫救命，好多都係單位數，我見到咁既分數我都無心機聽，就訓左係張台到，訓足兩堂，搞到連食飯都唔想食。

我去到荃中食個麵，就返去學生會玩康樂棋，差唔多打到完果時，有一個同學話：「曾碧，叫你出去。」我就打埋就出到去，見到 蕃薯 同其他同學打排球，我都見場面咁濕，咪好易整污租我件衫，但係我又太耐無打過排球，所以我都拿出勇氣同佢地一齊打波，可能大家對我既打法唔清楚，所以佢地一按到我D波，就已經飛走左，要去執波，執執下都執左幾次，但係我換來既後果係手痛，兩年都無打過排球，令到D骨有D唔慣，搞到紅紅地，摸落去都痛痛地，之後MISS張黎清場，咁我都自己帶返D野去一去廁所，之後都返課室上之後果兩堂。

飯後果堂係英文堂，今日係對閱讀卷，我聽左幾分鍾之後，又訓著左，差唔多打鐘先訓醒，最後果堂係電腦堂，我地幾個同學一齊落到電腦室開電腦聽歌、上網、睇日記、睇短片、睇小說、睇漫畫…不過未完晒成堂就要離開電腦室，因為5A、5B同學要去到禮堂，聽有關加入警察既簡介，要加入就要中英數合格，視力唔好高過500度左右，身高同體重都有定，再睇埋薪金，做警員起初有1萬5千左右、做督察起初就有2萬1千左右，不過做督察既要求一定高好多，要讀到預科或大學或高級文憑或文憑…我睇到要中英文合格，我一定唔得…咁我要唸做其他工囉。

聽曬成個簡介之後，我地都立即返到課室執埋書包走人，因為班主任有返黎學校，但係班主任係到返黎學校開會，所以唔洗補課，咁我都執曬野走去1B睇下有冇同學係到，因為我想同佢地影返張相…去到1B班房到，都已經走曬人，我失望咁同自己班同學一齊行去地鐵站搭地鐵返屋企…

唔知聽日可唔可以黎到1B搵人影相呢?

得返幾日就完左中五下學期。

「薪火相傳」既記念品↓

放完假囉，今日要返學，而且我地中五都係返得幾日就走人，我唸依幾日都係對一對卷同埋傾之後D時間補課， 依幾日就搵時間同其他同學影相，不過阿粘要考普通話試，所以今日放學果時無時間影到，希望聽日可以影到啦，最緊要就係同扭計骰班既學員一齊影張相，留下一個記念品。

係食飯時間，我係荃中食完麵就去學生會到打一局康樂棋，之後就返去班房到，但入到班房又無野做，我就係走廊到望落去，見到 蕃薯 同另外D同學一齊打波，唔知係唔係因為大家都係朋友，打排球既技術比比賽當日有好大分別。

雖然對手係小組第一既 黃楚標 ，但大家係小組第尾都唔緊要，只要大家有盡心盡力去打，不要忘記你係代表學校同其他學校比賽，都係有一定水準先派你出去打，而且我係甲組足球校隊都有付出不少汗水，連自己隻腳都付出埋去同其他人去到盡，就令自己受傷，我冶理好D傷都要忍痛入返場再比賽，為校隊出盡每分每秒既力量，就算輸都唔會覺得自己太失敗，但結果係我方嬴左 姚連生 甲組足球隊，胡記 2 ： 1 姚連生 都係大家所付出既努力係無白費既。

希望下一場排球比賽打到好好水準，到時觀察下其他學校既女排吸收下經驗，將好既打波方法就運用一下，將唔好既打波方法就要掉走，祝女排球隊打出好水準。

提返下D考試卷先，真係傷心囉，我第一次「科技概論」唔合格48/100分，以前都係50幾分，其他同學就60幾分，我俾好多同學壓到好低，希望又有其他30幾40幾分D同學幫我係後面推返上黎，唔好排行排得差，不過好消息就係我電腦卷全部合格卷一53.5/100分卷二31/60 總分84.5/160 計100滿分既話 52.8125/100分，合格左先，而且上電腦係分半班上堂，由兩個老師各教半班，而另半班只派左卷二，最高分都係27.5/60，都唔合格，不過我未知佢地卷一最高幾多分，我怕都係有一兩個高分過我，因為份卷吹水都吹到合格返黎，如果會考都可以合格可能都有「E」，其實我既「電腦與資訊科技科」既目標係上台拎獎，上年我同另外一個同班同學先拎完「科技概論科」獎，我仲好記得以前都拎過「圖像傳意科」獎，唔知今年拎唔拎到「電腦與資訊科技科」獎呢?

以下係YouTube既短片，我覺得都幾特別，而且運用到視覺來展示作品，非常特別。

 今日返工做到「踢曬腳」，因為有一個員工唔返，所以搵另一個頂住佢個位，咁我自己就要一個人做曬出面所有野，執野、掉垃圾、抹地、掃地、抹窗，成個場面既清潔都由我一個清潔曬。

我已經有心理準備喇，做呀做呀…少左一個員工自己又要做多D野，洗廁所 同 洗垃圾房，可能好多人都見到我一個人係出面執黎執去，所以有唔少人都幫我將佢D食淨既垃圾掉左去，我只係幫佢地抹返乾乾淨淨就得啦。

今日都遇左唔少好心人，咁我係到多謝佢地先，減輕左我既工作負擔。

我做到6點幾果時，按放工時間係放得工，不過早班D人未夠鍾返，所以遲左半個鍾先放得工，個半個鍾先feel到對腳少少痛，因為係出面行黎行去執垃圾，唔腳痛都難啦。

放工果時，因為腳痛，連行路都要左搖右擺咁行，之後去到「OK便利店」買返罐野飲飲下先，返到屋企沖涼、上網、開MSN，用左2個鍾電腦之後，蕃薯 打黎叫我唔好去睇佢地成隊女排賽，比賽一定有嬴有輸，而且我都未睇過女排比賽，一收線我就訓係張床訓足6個鍾。

訓到12點幾起身，食埋午飯、換埋衫，出門口去荃灣睇丙組女排比賽，我去到林百欣中學已經見到比賽開始左，仲要係俾人炒緊蛋，我就搵個位睇波啦…

開頭睇果時，都見到成隊女排技術仲未合符水準，有D隊員連開波都失，送左好多分俾人，有D唔想睇要走人，佢地既對手就失球，咁就有D想睇埋落去，睇下對手會唔會因失誤送分俾人，睇到半場我轉地方睇波，就係女排坐位後面睇波，一路睇一路搵下邊個係 蕃薯 ，我起初已估計誰人是 蕃薯 ，當自己搵到之後都睇埋下半場，但對手的失誤不多，而且有一定實力，令女排輸兩局，完場。

之後，MISS張就同成對女排訓話，我就企係遠少少聽下MISS張既訓話先，但係我企得遠左又有其他人打波，好嘈呀，聽唔清楚添。

訓完話就叫同學拎球走，不過個個都話唔順路，所以MISS張都無奈咁帶D波返學校，我心唸如果我去話幫佢拎，而佢唔識我咪好羅。

之後佢地成班女仔去荃中買野食，我就去一去報紙當睇下有冇書買，之後係另一個入口會面佢地，佢地成班就係到扮咳，我就話佢地你係唔係有病呀?之後一齊行去到小巴站問下佢地去邊到，其中一個話返屋企。咁我係到唸下去唔去打機，岩岩就有部小巴坐滿人開車走，我就唸通左，就通知阿爸同阿媽話遲d返屋企同遲d去阿爸舖頭到影印扭計骰既公式，咁係荃灣只係睇波好似悶左D，所以我去左網吧到打左3粒鍾，打到6點幾先走去阿爸舖頭到影印，咁我狂打日誌，佢幫我影印，差唔多收工都執齊野去食飯。

食完飯坐架巴士返屋企，我一坐就已經訓著左，可能琴日打工打到太累，累到依家…

差D唔記得聽日仲要返學添，都係早D訓，返到去都唔知做咩，返得個幾日，可能對卷掛。