放工啦，今日學左好多野又有多一位新成員加入，所以我今日返工唔洗出去執盤，我就被派到去狂洗廚房D架餐，開頭仲唸住好快
搞掂，點知搞下搞下又洗下洗下都3點囉，我就洗足 4至5 個鍾，不過又唔覺得太累，只係手上見到有甩皮現象，之後洗先一陣，
就休息半個鍾，雖然腳唔累，但手就累啦，因為陣間要入廚房煮野食，又熱又要快手，今日第一次整野食(早餐類)，
- 薯餅
- 蛋
- 麵包
- 魚柳
學左咁多之後，要自己行動一下，開頭都係慢慢黎整，不過整多一兩次都會熟，雖然有出現步驟錯誤，但之後懂得修正，咁就好成
功做到我既製作食品工序，最後收工之前都要整埋多一次D麵包先走，今日…可以入到廚房都幾開心，不過有同事講下星期都係我
洗曬D廚房既架餐，我都少少「O」左咁，但下星期都可以又整野食，好嘢。
訓到12點幾就起身同屋企人去沙田參加步行活動，但果時要同教會D人慶祝我生日，所以我就要行得好快，早到早走，
不過個領導話唔好走住，等埋佢地影埋相先走得，所以係終點到等左一陣，一影埋相即閃人，搭巴士返葵芳同教會D人唱K，
雖然我遲左到去唱K，不過佢地點左D唱好耐既歌，例如：「勁歌金曲」、「勁歌金曲2情歌王」、「超合金曲」，唱左半個鍾先休
息到，唱左無幾耐就有蛋糕送黎俾大家一齊食，我一個人就食左3件蛋糕，非常飽飽喔。
唱完就去「秋禾田日本料理」食晚飯，同教會D人一齊食左4百幾蚊，雖然少少貴，不過D野食都幾好味，抵晒啦！
聽日要返學校還書呀，順便見埋D人，仲要係學校問老師一D書本上既野。
|
