今日都幾準時放工喔，放工之後拎埋張m記6折卡，只要買滿100蚊就用得，

今日學左整扭扭粉同整板雞，之後再整埋d炒蛋，都有同事讚一頻我既，

不過我就覺得仲未完全熟練成功，因為個底熟，但平未熟，只好反一反熱一熱佢啦。

之後返到屋企訓左係張床到，訓到11點要返教會，主要都係問星期二見工既事，

原來要帶一帶成績表同身份證，之後會傾一陣就得，做5月中至7月中，

係做活動助理，幫手set野之類既工作。

聽日考數學就完野d卷囉，都唔知星期二見工果時點呢?

我好想佢請我，咁我一至六都返工，唔怕無野做，又有錢賺，m記果到已出薪金囉。

好啦，加油下去吧，而家再溫一溫書先。

今日傳聖火喔，不過朝早既天氣唔係太好囉，係咁落雨，我自己好早起身去M記到買野食，之後先去荃灣等同學，

去到荃灣都係好大雨呀，直至去到應考地方先無咁多雨囉。

今日考英文卷一AB，閱讀卷同作文卷，對我黎講係好難，但有易既地方在閱讀卷，只要見到文內有字就抄字，

我真係完全唔係太明成篇文章，都有幾題識少少啦。

之後，到作文卷，可以話唔考都得，因為用中文答就識，英文答就唔識，係唔識D英文生字，但我估到少少題目講咩，

所以，我做左第一題之後，見到第二題要自己發揮，真係慘喔。

都係早走先，落到去見到個同學等埋我先去大河道M記買野食，買之前係大河道新開果間既有線睇下依家聖火傳到邊到，

原來都就快到荃灣啦，見到差唔多到，可能好多人又多車都係快D買完去網吧玩一陣啦。

玩左4個鐘之後，去埋荃豐睇下電腦野同漫畫，睇完就自己返屋企，係地鐵到唔洗幾分鐘就訓著左囉。

唔知係唔係聖火關係，天氣轉好囉，無落雨，開始見太陽，返到屋企都見到新聞講聖火既事，

示威既人真係慘，俾咁多人圍住，會唔會太笨呢?

見到咁多支持聖火既人係到，自己都係到示威，一定俾勁多人望住。

聽日考英文呀，超唔緊張，因為去到都係盡快做完盡快走，

我依家都係靠數學拎返少少分啦。

今日先同阿爸去飲茶，麻麻同爺爺因下午同六叔飲茶黎唔到，食左一百一十五蚊。

食到飽飽，之後自己去左搵遲d見工既地方，我係5月6號先係果個地方見工。

之後，係阿爸到換兩支光管，對我黎講好易，因為換左好多次。

聽日考英文，對我黎講係超難，都係聽日盡快做好先走，希望份卷好多頁紙，

要搞到我走唔到先得，嘿嘿。

英文試場：呂明才

下星期一考數學，我覺得這科可以話難又可以話唔難，

都係依幾日溫埋多幾次，衝呀。

數學試場：姚連生(我妹讀緊既中學喔！)

 今日下午返左學校補數學，余SIR又拎左兩份卷俾我地做，由一點半做到4點半，做左3個鐘先走得。

不過好多人係未到4點半之前已經開始走人囉，得返幾個人留係到補數。

之後，我行到愉景果時見到雪同美，原來佢地去睇下M記D經理有冇空，問一問D野，

去到睇下D經理係到開緊會，問唔到野喔，所以我行到去地鐵茹返屋企，佢地咁岩見到佢D朋友，

係地鐵到訓下訓下，岩岩好訓醒就係太子站，轉車，

入到去見到個小學生係到傾電話，佢一路傾我一路聽到佢講D乜，

原來佢講緊跑OnlineD野，不過內容加左好多粗口，小學生都咁粗，中學生會點呢？

名稱：難以取替
歌手：洪卓立
若舊有記憶不可以用慢鏡拍低
隨時代變遷快樂流逝
並沒有什麼好比友情難以取替
從無懼歲月每分鐘的洗禮

 因為琴日有返去學校補數學，所以今日要做返琴日所派既數學練習，

一路做一路聽歌，幾好喔，係學校係做唔到。

又可以上下網，打下機，聽下歌，msn下都得。

聽日考 經濟 既同學加油呀！

我就淨返英文同數學+中英口試。