都唔知之後點算呀，而家只係暫時做住m記，不過又想做其他工作，就係勞工處網頁到搵左十幾份工，不過大部份都係唔使學歷，

要學歷果d又要少少懂英文及普通話，好難搵d要中五程度又唔使英文既工，如果係中三程度多數都唔使英文好，

我都係主要搵廚房、電腦果方面到搵，一到左放榜四周圍都會搵學校、搵工、搵出路，所以依家要留意多d選擇先得喔。

下星期一會去一去屯門，搵下我星期二應考既學校在那裡，順便係果到行下先，難得去到果到。

 今日差D起唔到身打機囉，不過都夠時間升到多一級，日日係《天龍八部》玩刷棋，D經驗真係好多喔。

又升到48級囉，這星期要50可以用新裝備，加油。

仲有一星期就中文口試啦，要係屯門到考，我唔係好識去啵，點算好呀。

 今朝早同麻麻、爺爺、爸爸、我一起到黃大仙飲茶，食完同爸爸返舖頭幫手，順便係附近既便利店到買點數卡，

，用左$113買張卡，嘩，用$113可以同人地去食一餐飯喔。

5點先返屋企，一路打機一路食野，太正啦。

 今日做到好累，因為今日又學多左野啦，係做櫃台果到，教我點按機，又教我點做點做，喔喔…睇住點野食果到，睇到眼花，要搵

一陣先點到，慢慢黎學，又要記下D野食既包裝，因為記好左，拎俾人都快好多，都係做得多做快，係愈黎愈快。

學左咁多野，都係時候放得工，返到去沖左涼就訓左係張床到，訓到2點先起身，無左D打機時間添，嗚嗚。

今日返工好多野做喔，係朝早先叫忙到七彩，今日係教左我點針野飲，開頭真係忙到爆，之後要狂起野飲，

無時停呀，今日朝工既工作係針野飲，針到你好易做錯，都錯亂。

因我都係第一次針咁多野飲，又要快，亂喔。

而家都係訓多陣教先，今晚再返呀，嘿嘿。