放工返黎啦，今日又學多左野，就係 抹乾淨已洗好既盤、去拎一筒冰塊、掃走後門同正門既煙頭，之後都係做返相同既野，洗地、
抹台、執野…
雖然我一星期做兩日，不過大家都開始認識緊我，問下我住邊、讀邊間、工作辛唔辛苦，而且今次全部同事都係女性，不過都有時
會有一兩個男同事係到，果位男同事因為聽日要去掃墓，所以只係返黎點貨就走，我只好一個人做曬出面成個場地既清潔，依家D
工作量比頭一兩次做既野多左，但累既程度又唔係太強，可能做慣左，第一兩次返係做到好快累，而且做得多清潔，都快左完成應
做既工作，仲有其他時間學做其他野。
到左十一點幾就唔食埋飯就出門口，去荃灣睇男女排比賽，當我去到比賽場地，仲未開始，仲有時間搵位坐，睇女排打波，今場打
得幾好啵，D波控制得幾好，係差D殺球技術未出現，如果唔係對手都無機會嬴到你地。打完女排之後都執齊野返學校還排球，而女
排既教練就問我地洗唔洗載埋一程去 千色店 ，我就坐車頭，D女仔坐晒後坐傾計。到左千色店之後，我同曾碧 與 另外兩個朋友講
byebye後，我同曾碧行到去 新之城 佢就一邊行一邊講電話，我想講D野又怕唔好意思阻住佢傾計，咁我同佢全程好少有交流，
係去到影貼紙相附近，佢入左某間舖，我就暫時告別一陣，去左M記食我既午飯，食完就落返去間舖到搵佢地，傻晞 就係到話係手
機到睇緊A片，我就想望一眼都望唔到，之後，傻晞 叫我出一出門口，佢地有野傾，我咪係門口到等，之後電話收到信息，令我心
情下滑、情緒低落，之後佢地話走，要坐的士去睇男排比賽，果時曾傻晞叫我做「爸爸」，我都唔知咩事，都應左佢，又叫我請佢
地坐的士，我都一口就答應，我去到比賽場地見到有幾個男排都識，因為有D係足球隊，所以好快就同佢地交流左一陣，打下又打
下，大家雙方既實力真係差唔多，但係心理上我地較差，好容易低落，令成隊球士氣低曬，所以尹SIR都多次叫暫停，向各隊員簡
單咁講下陣間要點做，之後我同兩個隊員係有蓋操場到練一練波，我一個對兩個，打左一陣我地都要返去睇埋場波去，原來都打到
好平均，要打到第3場，開頭我方就送左好多分俾對手，尹SIR都要立即叫暫停，快速咁重組士氣，最後都係差少少先嬴到對手。
我自己行左出門口，一邊行一邊唸緊有關曾碧既事，我愈唸就覺得我自己一個人行去唔係太好，都係返轉頭搵返佢地，咁岩我入去
就見到佢地出黎，傻晞 叫我「爸爸」問我幾時父親節，我答佢日日都係，佢就隨手met左一張買屋D紙條俾我，我就好快掉左去
垃圾桶，佢又係附近再met多幾條俾我，搞到我有點無奈，曾碧買緊野食果時，傻晞 又黎叫我請食野，我就答佢係請都係請佢先，
之後一齊上埋小巴，傻晞 問我借手機電，又問我可唔可以買部手機俾佢，我答買手機都唔會俾你先，之後又問我做咩全程係咁望住
佢地，我又答想望果面，傻晞 好醒，讓少少位俾我望曾碧多一面，謝謝。
落到車都同佢地行到「霸王山莊」就告別啦，不過 傻晞 見到我手機有曾碧D相，搞到曾碧有點O左，唔好意思。
《中學回憶※三卷》
中三既時候(上學期)，我仲係掛住打機所以成績都唔係太好，但對於唔洗點背文字既科目都有較好既成績，有 :圖像傳意、普通電腦
科、音樂、體育，全部都係10名內，而且圖像傳意既成績係最好，拎到第一，有91分、普通電腦科就有66分都第五名、而音樂係
岩岩好第10名，有75分、最後係體育都係75分，拎到第五名，都係有依幾科幫我拉好D平均分，可以拉到去平均分合格，班名次
都拉到15/35，不過操行差，因為我上學期遲到3次喇！
到中三既下學期，我下學期就盡量唔好俾自己遲到，所以每次返學都好努力起到身，中三既回憶唔係太多，因為成日上堂都訓覺，
仲好記得我上英文大多數釣魚，不過同上學期一樣圖像傳意就有理想既成績，並且我成功取得「圖像傳意」科目獎，係成績表上都
係唯一有九字頭既科目。
仲好記得我、蘇聯、阿粘，一齊放學果陣，講左一句咁快就三年同學又咁快大家升到中三，時間過得特別快。
之後，就要面對選科升中四，打後就有一個叫「職業導向課程」C.O.C.，我都報左名讀「創意多媒體」，我選讀既原因都係想接觸
多D不同類型既媒體，學習更多使用軟件方法，仲可以加添自己既創意，製造出自己獨有既作品。
我唸升到中四要各行各路，因為可以讀商科或理科，各兩班，唔知升到中四有咩轉變呢? |
