喔，咁快又星期三，
返工既日子又返黎啦，
現在發覺時間過得好快，
上班下班睡覺吃飯沖澡，
一日又一日咁過，
咁就過左幾個月啦，
唔使好快一年又過啦。
今日係放假，
唔洗返工，
留係屋企到狂上網、玩PSP，
唔知點解近排好想食味千拉麵，
http://www.ajisen.com.hk/web/tc_index.html
我覺得味千拉麵係最好食最好味，
每次去到食味千一定食晒成碗麵，
有機會約人一齊去食啦。
今日係本校畢業禮，
不過今日就出街出好耐，
放完工都係返屋企，
訓都訓得4-5個鐘就要出街，
出去九龍灣職訓局既青年學院到睇下有咩課程讀，
我去到都好多人等呀，
我搵下D科目都俾我搵到岩心水，
就係 資訊科技 ，
之後就去填表、再去等侯室，
差唔多等到訓先入得去，
入去都係等多一陣，
都係同果一科既老師見面，
見左幾分鐘又要出去等消息，
我唸都係唔收我嫁啦，
點知有人出黎俾份取錄通知書，
哈...估唔到自己係得既，
去完青年學院後，
返屋企立即換校服返學校參加畢業禮，
返到學校都好多地方工程中，
之後睇返個鐘都差唔多落禮堂彩排，
我一彩排完即返課室搵同學，
大家見到面都無乜唔同，
只係大家都工作了，
之後大家返課室點名再落禮堂，
今次我拎既獎有三個，
「電腦與資訊科技」、「服務獎」、「操行獎」，
雖然有咁多獎拎係開心，
不過見到自己成績表既平均分都唔夠40，
姐係畢唔到業囉。
今日一放工就返屋企用電腦，
用左2個鐘，
之後就覺得勁累，
一訓就訓到下午4點鐘，
之後食埋飯再用電腦，
今晚又返工，
哈哈。
返到去都係洗野，
今日係洗最耐既一次，
差唔多6-7個鐘多都係到洗野，
可能我慢慢洗，
所以好耐先洗完，
洗得黎都得返好少時間就放工，
6點幾D客都唔係多既，
所以唔係太忙，
可以6點幾放工返屋企訓覺啦。
_________________________
今日阿媽對阿妹講:「無三不成幾，所以未夠三年都唔算幾年，咁就唔算幾年前。」
我就搞笑咁講:「唔算幾年前，咁算唔算"江戶前"?」
