呢幾日突然間有個構思,想有d 野改變下,之後搵左幾個朋友商量,其實都唔錯,真係有得諗,因為睇住人地舒舒服服咁樣搵幾舊水一個鐘,只要勤力d 月入十幾萬,真係冇難度!!

      我撫心自問自己真係一個熱血青年,我從來都冇害過人,冇做過任何傷天害地o既事!一直以來我咁比心機做野都只係想生活過得好d 點解辛苦到今時今日仲係一d 成就都冇,而且一次又一次咁樣比朋友出賣!點解人地就咁就豬蘢入水,點解就咁就三十五歲前退休環遊世界!去到呢度就係都有d 心酸!

      所以呢兩晚我訂立左兩個目標,一個就係最終目標,另一個小目標, 小目標係幫助完成最終目標的!~最終目標我係要成立一間分區連鎖o既泳會公司,每個月都會開好多唔同o既班教人游水!最保守估計,當每班12個人, 每人一個月$560 ,除返=$30 一個鐘x12= $360 一個鐘( 其實係唔只呢個價) 一日平衡教六個鐘=$2160 扣除成本,只係個區都有十幾萬一個月結餘!

      小目標就係有自己一間小公司,有正常運作系統!有人負責跑業務,有人負責教水,有人負責內部運作管理!

     最初步就係要聚集幾個有心搞同有排同o既教練牌朋友!首先整張靚靚o既宣傳單張,然後每家每戶洗樓一轉,要洗晒全區d 單位,跟住去人流多地點,或者學校附近派單張!到有了學生之後就係泳池以私人教練形式小班教學,到去到越來越人多時就開始租水線,將業積擴大之後就開始請教練外判出去收取利潤,當然中間一定唔會咁順利,會預左有好多困難,但唔緊要我地有o既係人力,而且小本經營!就算係呢個區做臭左個名都可以係第個區重新來過!

     我覺得做人要明知不可為而為知,只要有決心,有鬥志,齊心一致冇乜野會難到我地!就算失敗左又可何,咪當經驗囉~失敗乃成攻之母,係邊度跌底,就係邊度起返身,成功之日,指日可代!真係希望有一日可以開始起步行呢條路!