呢幾個月真係過得好快!閃下眼就要返泳池做實習生了!問我感覺如何!真係講唔出!可能我對佢地真係冇乜感情啦!唉!陣間又要返天水圍泳池等放工,真係渡日如年!希望可以快d 考晒d 牌同考到警察啦!唔係就無人生意義了!!
呢十六日假期,係我出黎做野之後最多o既一次!係我一年裏面感受最大o既日子!我返左九日鄉下,五日去華東旅行!五日旅行裏面我每晚訓之前我都諗起果個女仔!佢性格有兩分似我,但比我外向,讀書比我多,佢雖然做事能力唔叻,樣貌既普通又略矮一點!但係我有種好想保護佢好想照顧佢感覺!佢剛剛做完腦部手術,眼睛需要兩年時間復原,而且又同拍左四年拖o既男朋友分手!表面看很堅強很開朗,但係我知佢一定常常躲起不會讓人知道佢哭泣的!
返左黎之後我忍唔住終於返左大陸同佢表達我對佢感覺,我送左個名牌袋同d 用品比佢!佢好開心,但係佢始終都放唔低佢以前男朋友,腦海已比佢佔滿,唉!佢好唔理智!人地都講得好決絕同佢講已經分左手,無可能再一齊返,唔好煩佢,唔想再見佢!之後我係佢屋企住左幾日!我都比佢搞到好唔理智!雖然我feel到佢屋企人爸,媽,家姐,姐夫都想我地一齊!但係我應唔應該等佢好呢!!呢幾日我都心亂如麻咁!其實我都唔知我係咪真係鐘意佢!佢都對我有好感,但係又忘記唔到以前!! 咁我點做好!!?
曾經有人問我,你份人咁好點解仲未拍拖!?我塔我事業未成,我想代我有事業果陣可以照顧到我喜歡o既人的時候才作打算!但有時我都好高估自己!!但其實我o既能力都唔係咁得!我份人胸無半點墨,志大材疏,好大喜功又懶惰!我有乜資格去諗照顧人呢?
|
