今天如常上班，因為下午４點半左右排咗八號風球就收工嚕！！心情超開心的說！當然唔使講就因為可以早啲見到我的老婆豬！！收工的時候我行到去馬會諗住可以買買六合彩，點知都係關左門…沒辦法的事吧∼唯有等下一次。
我繼續往老婆豬工作的方向行走，走到 APM 附近老婆豬就同我講「我收工了」，當時我又怕會突然落好大雨，所以都係叫老婆豬留低公司樓下等我來接佢。但行咗一陣冇耐老婆豬就行電話過來了，問我到了那裡，由於我都知自己表達能力係有啲問題，所以我直接講：「巴士站附近。」但聽老婆豬的聲音好像開始有點急躁了，我也擔心過會兒老婆豬心情變差，於是我立即加快幾步，節省時間會合她。
我們在附近的零食店會合，店長看來好像快要關門了的樣子……還好能給我們進去。剛見老婆豬好像好累的樣子，我想著可能工作太急速和投入了吧，因為我愛的敏淘豬正是一位投入一件事就會想做到最好的人，難免有時太緊張的吧。雖然如此，如果能在零食上可以補償一啲緊張的心情就好了，於是我就想開始時有咩開心的零食哄吓佢開心。不過有時以為呢樣野會哄到老婆豬開心…點知都係冇乜反應…我諗老婆豬真係好累了，而且我都唔想佢諗太多野…或者諗好多的時候會太燥。
還好最後有岩心水的百力滋「牛奶朱古力曲奇」的零食買左，老婆豬開心番少少！！太好了，能放鬆心情是好事，買完野就出發去 MegaBox ，在路上老婆豬分享左佢今日做野發生的事，的確同我想法一樣，發生好多令佢急躁又壓力大的事，而我能幫佢做的…只有聆聽而已嗎……我明白老婆豬有時唔想我擔心，我有時都唔想老婆豬擔心，大家都有為大家著想的心情都是有，配合也是好重要的，當然我並唔會覺得辛苦，因為哄人開心是我的樂趣，更何況佢更是我愛的女人，我為咗哄佢開心我不惜一切。最後，我經常會想，有咩可以在老婆豬唔察覺之下，為佢做啲唔會令佢燥底的事，原來先諗好多事的話，至少老婆豬唔會因為行街的時候因為外來的事而影響佢的心情。
還好，平平安安到左 MegaBox，不過呢…又因為打風的關係，好多食的店舖都關門了…哈，還是要吃麥當當了。不過今天唔知點解！特別餓…我叫左好多野食！人流並唔太多，好快搵到位，最後當然開大餐∼ 當然我時刻都有留意食的時候可能會發生咩情況…因為上次的事件…我真的唔想再發生…，在今次上我會留意紙巾夠唔夠用，茄汁夠唔夠食，先試食薯條係唔係真係走鹽，啲包係唔係真係加料，最近有留意多啲就係…我哋坐個位附近會唔會麻煩人！或者老婆豬夾薯條的時候，我都加倍小心，為求老婆豬食得開心。如果佢知道啲事的話，也許佢會講唔好為佢做咁多之類的吧∼因為老婆豬唔太喜歡有人因為佢而麻煩到人，雖然我都表明很樂意為佢做咁多事，但還好默默的守護她，讓佢顧慮得少啲。
我老婆豬每次食麥當當都一定是叫熱朱古力，我都有留意佢飲的時候先開始打開蓋等凍左少少先飲，我連呢啲小小的事都想幫佢…趁佢食野的時候，打開個蓋一陣，等佢冇咁熱的時候，再蓋番好！咁佢飲的時候都飲得開心點！結果今日的努力總算有效果！嘻嘻，當中我講左啲笑話，但老婆豬的說話，一時打沉左我∼哈，老婆豬問我有冇事，我就答「我個引擎出晒煙…仲熄埋咗」。起初我都唔知自己講乜，哈哈…佢明喎！原來講啲汽車有關的事老婆豬會明啲…又學會一樣事了！
－「同老婆豬一齊食的麥當當大餐。」
食完之後，我地見MegaBox 都冇咩可以行了！咪行番去德福到行一陣，仲有例行去拍＄２卡，於是去行吓超市，去埋個洗手間！又行番去MegaBox 嚕！最後我地坐響電影院門口附近的椅子，一邊參考一下我地黎緊星期六睇的戲……都有好幾場！我仲發現，蟻俠有開始售票了，當然我第一時間想買了！老婆豬也ＯＫ咁就去買了，不過老婆豬話，呢個月已經睇咗６場戲咁多了。唔講我都唔知∼嘻∼
－「行超市係我們拍拖的樂趣之一。」
－「雨中共傘，與你散步。」
－「MegaBox 空空如也，人影都冇。」
－「我哋買的戲飛。」
睇完戲之後，老婆豬勁開心，因為佢話套戲太開心！太好笑了。在路上嘻嘻哈哈直到回家，能令你開心的，希望老婆豬永遠都開心。
－「 十點幾雖然唔可以話太早，但路上一個人都冇，又一架車都冇，真係難得！」
完.
|
