或者有時打日記而冇乜點好好瞓，我唔記得左較個手機叫我起身，好在有老婆豬WhatsApp 吓我醒左一醒，如果唔係可能又遲了…不過今日工作並唔係好多…只有好簡單的任務…唔知係唔係太簡單的關係……一邊做野的時候就會一邊好眼瞓……感覺都幾辛苦。好在食飯的時候可以午睡一陣！至少幫輕吓囉∼
之後就好開心的６點收工時間！此時我收到老婆豬的錄音∼剛好老婆豬都收工了！咁開心的時刻，當然想搵吓我的老婆豬一齊返去喇，只可是…見到佢的WhatsApp 好似收唔到的樣子…咁我就試下打佢的手機，睇睇老婆咩位置同點樣會合佢比較好呢∼最後，手機都冇接了…當然我心想，或者老婆豬仲係公司或者升降機等等吧∼所以就去APM的一田到行一陣等老婆豬應吓我…
等了一陣又一陣，我發現開始唔對路，此時我望望手機，都係未收到我的訊息…因為平時老婆豬話明收工的時候，通常唔會好耐都唔覆我…點知呢次等左好耐都冇反應，我大約都估下可能好似尋日咁，工事仲有野未做好，所以留多一陣。咁我知道老婆豬未認我的時候，應該忙緊吧，而早前講過，太夜就唔好等佢收工了，我就先留言俾老婆豬知道，我先回家食飯了。
在回家的時候，我重覆又重覆咁望住手機…我心想，我應唔應該再發個訊息俾佢呢？「唔得，再Send 太多會比人覺得自己好煩…」所以都只好耐心等老婆豬回應……在我回到家在吃飯的時候，老婆豬回應了第一句了！！我超緊張的望著，原來是一段錄音…就叫我Send留早前在Legoland Hotel 的相比老婆豬，然後就變回冇回應的狀態下了，雖然我冇直接開口問，但個心好似果日咁…好心痛…
最後老婆豬Send 咗一啲Pizza 的相俾我…但我當時的心情…都諗唔到啲乜，因為老婆豬乜都冇同我講…我只好等待和等待老婆豬開口同我講發生咩事好了，然後我懷著不安的心情再去返工了。
－「返到公司門口，依然好不安。」
直到老婆豬回應咗我了，先得知道佢同佢同事食飯，因為想補番老婆豬的生日。呢件事唔理是誰對或錯，我首先先道個歉，至於希望對方唔會唔舒服……我覺得有時的確係太緊張女朋友了，可以話係俾空間人…不過我都明白唔好太干涉老婆豬的私人空間…亦都唔想佢因為我的不安而令到佢唔開心，不過這幾小時的不安總算化解左。
希望下一次，老婆豬會記得同我講有咩節目…至少俾我放心你無事……因為最近太多估唔到的意外發生…我唔想老婆豬有啲咩意外，先咁緊張……我…應該放鬆點吧？
到最後，老婆豬都安慰我一陣子…心情都算平靜落黎嚕∼不過總覺得自己咁發癲法都唔係辦法，我明日一於請老婆豬食餐好的！當補償我對老婆豬的事……希望明日順順利利
完.
|
