今日十點左右起床，我老媽就為我們煮了早餐，老婆豬都食得好滋味。食飽了之後，我們都沉迷上昨晚下載好的手機遊戲「Minions」，佢有幾好玩？見到我老婆豬玩得咁投入，有時手氣唔係咁好的時候又帶點燥底，但係又唔會放棄去玩落去，值得尊敬和佩服。原來我想同老婆豬欣賞Running Man 的，因為我覺得真係唔錯睇，好想好想同老婆豬一齊研究吓…只係有時我感覺似迫佢睇多過似一齊睇…只能有機會再慢慢睇吧！見老婆豬玩得咁開心。
差不多到午餐的時間了，我老媽做左「芝士火腿蛋生菜番茄三文治」其實可以理解係單層版的「公司三文治」，但真係好好食，仲有啲唔夠喉！在享用午餐的時候剛好電視做緊「撲克王」雖然套戲睇過N次了…但總算可以當來做娛樂，此時我老婆豬就在我身旁繼續玩手機。
套戲都做完了冇耐，我就瞓著咗老婆豬身旁…至於瞓咗幾耐我就唔太了解，只知道我瞓著咗的時候鼻鼾聲勁大聲而已……之後就同老婆豬一齊瞓左陣……直到七點半。在七點半我們起身吃晚餐，大致上今日一整天都是在家和老婆豬渡過，總算休息日了∼體力又恢復了不少。在八點的時候我們一起看「武則天」大結局，睇完的時候都很晚了，當然就送老婆豬回家了。
今日就這樣完結了，感想是和老婆豬懶懶地過著一整天，感覺都不錯，當中當然有過度溫馨的二人世界，我們的感情又更深一層次了。
完.
|
