大家好~咁快就差唔多一個月喇...哈哈~原來我咁耐冇打過日記喇...

宜排好忙.. 都係返工d野 真係好 有野做 d時間過得好充實..

但係感情就事事不如意...唔通工作同愛情一定要二選一嗎...

一向情緒化既佢...忽冷忽熱有時我真係覺得好辛苦...

我好努力去証明一切一切..但係佢偏偏小小野都做唔到...

我唔係想要d咩野回報...我只不過係想有一個我同佢2個一齊既獨立只有我同佢先有既身份..

都一年幾了...我覺得我真係冇分別...第三者??我唔係..女朋友??我亦都覺得唔係...

到宜家成年..我都唔知佢係當我係一個咩野身份既一個人...

但係我想佢做d野覺得...我係存在係佢既世界...但係佢偏偏係拒絕...

我唔識講..我真係唔識講...我要求好過份嗎...

我同佢一齊左雖然唔係好耐...但係我覺得成年以黎都冇真真實實係佢世界出現過...

我好辛苦..我好痛苦...我好努力好努力去証明比佢睇...

我真係好想好想係佢既世界搵到一個容納到我既空間...

但係唔知點解...每次我行到門口既時候...我拍門...硬係冇人應我..冇人開門比我...

我只係日日坐係門口等佢開門既一日....