話說4月17日晚上,冰藍要去一個音樂會...
本來打算同慈慈一齊去,不過打左成個早上電話都唔通,唯有自己去。6:00出發去西鐵站樓下個巴士站等269B,一上車就問司機去【香港文化中心】應該邊個站落車,佢話【新港中心】。搭左45分鐘,到站。落到車,點解唔見鐘樓既!?就靠我既第6感向前行啦,沿途好多名牌店。行左陣,見到條好長既馬路,就見到【香港文化中心】啦。7:00都未到,就去附近行下先啦。買左包M記薯條,又去左【海港城】兜個圈。入到去,好多外國人XDD"好多化妝品名牌,衫衫名牌,見到B囡,P囡,MOMOKO,有騎馬機試玩。=v="7:30出番黎,行去【香港文化中心】。
劇場仲未開門,口係文化中心入面睇陣。上到4樓劇場,發現好多人拎住花花...=口="入場,第6行第3個位,全場爆滿。3位主角都彈得好好聽,阿SIR好似見到我...=u="8:00彈到10:00,完場,附近勁多人拎住花花要衝上台。XDD"出左劇院都10點幾,打電話俾阿爸。佢話咩對面搭車,我聽唔明,行左好多冤枉路。最後阿爸叫我問下D姐姐,佢地話轉彎向前行再向右轉,就會見到地鐵站,隔離就係巴士站。然後我又問左警察叔叔,原來地鐵站就口係隔離。=0="行牙行,到了,搵到269B。好快有車,上到車一邊訓陣覺,一邊食包包。真係一個好難忘既經歷,11點幾由天盛行番屋企。條街好靜,好少人,有D驚,依家回想,覺得自己都好勇牙∼＊
4月30日又黎LU*今次係我表演!!元朗劇院,記得棒場。=3="