4月16日  星期日
早上趕功課,下午練琴。3:30去左天盛美心食公司三文治,之後又去左人地屋企痴餐食,好多人,D野好好食,未試過咁多人同枱食飯。有電腦玩,不過得個睇字。果度有好多DVD,VCD。有人幫我睇掌(XDD"),佢話我婚姻MAYBE會有2次‥(點算好,, )假如我有另一半既話,最少都要大過我5年...=口="最緊要係睇佢掌既感情線~!!仲話我將來事業會有一番作為,不過中途有D波折。晚年會奮鬥,最後就會成功。(晚年才奮鬥,,有鬼用!!)財運方面幾好,將來會大方過細佬,有貴氣。其實,命運掌握在自己手中,將來都係要靠自己呢。

4月17日  星期一
今朝一早一邊幫阿爸燒碟,一邊睇書虫。哎呀﹏到依家都未睇完,點算牙><"下午做BCA,打日記,上網DOWN歌。今晚係阿SIR既音樂會,我買左票LU*不過晚上8:00先開始,仲要口係【香港文化中心劇院】舉行,所有之前打左電話俾慈慈媽咪叫我同埋佢地去。但係今日打去佢地屋企又唔通,手提號碼又唔知。阿媽今日開始返夜班,阿爸未放工,細佬聽日考試了,冇人可以幫我,唯有靠自己啦~!!上網搵地圖(XDD"),先發現原來我把【香港文化博物館】同埋【香港文化中心】搞錯了,不是在沙田,是在尖沙咀!!我好耐冇出遠街,又唔知搭咩車,邊度落車,點行牙...我好驚自己蕩失路。阿爸叫我6:00搭296B,問下司機咩站落車。落到車見到鐘樓隔離就係【香港文化中心】啦!!講就易,去到都7點幾啦,天又黑,今次真係【尖沙咀獨自夜遊記】。搭車去我冇咁驚,返黎就唔知點算好。應該都11:00左右。唉,希望搵到慈慈同我一齊番黎啦,平安無事就得架啦。求上帝保祐,冰藍誠心祈求,阿們。