|
【星期四。又到古箏堂】
校際比賽完左之後,阿SIR叫我練【草妹】,不過我冇時間練琴,所以到依家都未練。放左學之後,3:40我上到去,打算做功課,因為果日D功課多到爆炸!!做完一樣,見到隔離位朋友有2本【YES】,我N年都冇睇啦,趁未上堂,睇陣先。我好專心睇左幾頁,突然...「你竟然口係度睇雜誌!?我仲以為你睇緊樂理書呢。」阿SIR口係我身後講,我嚇左一跳。「我...依家就睇樂理書。」見到本樂理書就想訓覺,打算練琴啦,佢又話今堂叫我溫樂理,話咁快又過完一堂。果日夜晚勁多功課,我畫完幅圖都成12點幾,訓覺。
【星期六。考樂理】
9:30起身,繼續溫樂理。溫到11:30,出門口搭車。上車訓覺覺,彩虹道落車。路牌寫住200號…=口=”我要去5號喔。問人,要直行10幾分鐘先到。行下行下,阿媽話點解咁多人向右手邊行,又跟住行。原來係地鐵站,難怪啦,行錯路。直行直行,見到伍華中學了><"去附近食LUNCH,好平,一邊食一邊溫。好快食完,去到伍華,勁多同學仔。=v="個個手上都拎緊本樂理書。年紀最細應該係10歲左右啦,最大...老師都有。入到去考場,係大禮堂,有成200幾人一齊考。試卷唔難,應該都幾有把握既﹏2:00開考,2:45已經開始有人要走了。3:15,200幾人的禮堂得番20人,我係其中一個。3:30,考完啦,我地都考得唔錯。之後搭車去鑽石山玩,入左志蓮淨院參觀,又大又令,同外面景觀完全唔同,好似古裝片入面既大戶人家住既屋企咁。>﹏<"最後去荷里活廣場,細佬又話要食M記,說服了阿媽。阿媽又捨得喎,買左成$75,飽到嘔,開始有D食厭M記。成晚都冇食野,晚飯食唔落。
【星期日。做功課】
一早起身做功課啦,未做過功課!!下午練琴…‥．。依家最希望係樂理要高分牙!!
|
